ای روحیم ای سلالۀ خیر سلیل اوغول #اکبریه_عاصی_تبریزی

زبانحال امام بسر نعش علی اکبر (ع)
.
#زبدةالاشعار
.
: @nohe_torki
.
مرحوم عاصی تبریزی
.
ای روحیم ای سلالۀ خیر سلیل اوغول
ای عترت خلیلدن اوّل قتیل اوغول
.
گلجک سسون خیامه دیزیم دوشدی قوّه دن
بی اختیار باشلادیم آه و عویل اوغول
.
ای فدیۀ منای وفا، قانون اهل کین
سوتک ائدوب بو کوی وفاده سبیل اوغول
.
هاجر آنان ، بو عرصه منا، سن ذبیح حق
من وارث خلیل خدای جلیل اوغول
.
ائیله یانور اوغول اوره گیم باشی، گوز یاشیم
جاری اولور عذاریمه مانند سیل اوغول
.
دور بیر ایاقه تا آپاروم خیمیه سنی
گوزلور یولون خیامده آل خلیل اوغول
.
دور آل اله قلنجیوی کس دشمنون یولون
یالقوزلیوب بو بی کسی قوم رذیل اوغول
.
گلّم دالونجه منده علی سن گئدن یولی
مشگلدی باغلانا یوزیمه بو سبیل اوغول
.
سن بو شهادتونله یتشدون مرامووه
اولدون غریبه نایل فیض جزیل اوغول
.
لیکن بو ئولماقون علی بیچاره لیلنی
ائتدی سیاه پوش بیر عمر طویل اوغول
.
چوخ تیز غروب ائتدون ایاکوکب وفا
اولدی عجب زمانه ده عمرون قلیل اوغول
.
باشدان آخوبدی قانون على لاله گون اولوب
بو وجه احسن و بو جمال جمیل اوغول
.
عاصی گئجه گونوز سنه صدقیله یالوارور
وار دردی آستانووه اولموش دخیل اوغول
.
.
#اکبریه_عاصی_تبریزی
#اکبریه_شهادت
#ای_روحیم_ای_سلاله_خیر_سلیل_اوغول
#ترکی
.
#زبدةالاشعار
.
: @nohe_torki