ای قویان عالملری عشقینده حیران یاحسین #دیر_راهب_شهاب_اهری

دیر راهب
..
..
..
..
شهاب پور اهری
..
..
..
..
ای قویان عالملری عشقینده حیران یاحسین
قویما زهرانی بیله چوللرده ویلان یاحسین
..
..
..
..
نیزه باشینده گزن ای چوللری شام و سحر
داغ هجرون ایلیوب من غمکشی خونین جگر
آچ او قانلی گوزلرون احوالیمه قیل بیر نظر
اولموشام صبح و مسا زار و پریشان یاحسین
..
..
..
..
هر یئره گنتسن اوغول گلّم دالینجا دربدر
کوفه و شاماته یول سالّام گوزومده اشگ تر
جنّتی ترک ائتمیشم سنله اولام تا همسفر
وار باشیمدا چون بولورسن عهد و پیمان یاحسین
..
..
..
..
دیر ترسادور بورا یا بزم عشق عارفان
طور سینادور کلیسا نور حق اولموش عیان
آی طلوع ائتموش بو یئرده انجم انتموش آشیان
نطقه گل ایله اؤزون بو سری اعلان یاحسین
..
..
..
..
ای عزیز فاطمه وی محنتی لا ینتهی
ناله ی ناقوسدن تاپدی تزلزل نه سما
قانلی باشیندن گرک عیسی و یحیی درس آلا
جبرئیل اولسون گرک بو یئرده دربان یا حسین
..
..
..
..
راهبی قانلو باشون سرّی مسلمان ایلدی
پیرو اسلام و دین هم اهل قرآن ایلدی
گرچه زهرا قلبینی بو دیر شان شان ایلدی
قانلی گوز یاشیم ائدور بو رمزی عنوان یا حسین
..
..
..
..
بو یئره دعوت اولوب معناده فوج انبیا
قدسیان کرّوبیان خیل ملائک برملا
نوح اولوبدور نوحه گر بزم عزا اولموش بپا
بو کسیک باشداعیاندور نور رحمان یاحسین
..
..
..
..
فاطمه قربان سنه ای خسرو گردون مدار
ای امامت کوکبی وی افتخار هشت و چار
اولموسان علّت ندور بیر بئله غوغایه دچار
کربلاده ذبح اولان باشی لب عطشان یاحسین
..
..
..
..
نیزه آردینجا حسین پهلو شکسته گلمیشم
سن باشون سرنیزه ده من با پیاده گلمیشم
غم یئمه گر دل شکسته زار خسته گلمیشم
زادۀ مرجانه ائتموش خانه ویران یاحسین
..
..
..
..
#دیر_راهب #شهاب_اهری #ترکی #زبدةالاشعار