زبانحال امام در بالین برادر
..
..
شهاب پور اهری
..
..
ای نهر علقم اوسته – قولسوز یاتان اباالفضل
آچ گوزلرون اماندی – گلدیم اویان اباالفضل
سن سن منیم وزیریم – باب الحوایج عبّاس
یاتما یارالی شیریم – باب الحوایج عبّاس
..
..
ادرک سسین ائشیتدیم گلدیم یئتم هرایه
بولدوم باشین دوشوبدی – بو ورطه ده بلایه
قانلو گوزیله بیر باخ بو درده مبتلایه
قدّیم بوکولدی غمدن اولدى کمان اباالفضل
..
..
سن بی وفا دگیلدون اى کان غیرت عبّاس
ای شیر خصم افکن بحر شجاعت عبّاس
قوللاریوا نه گلدی ایله حکایت عبّاس
قانلی سرشگیم اولموش گوزدن روان اباالفضل
..
..
سس وئرموسن ندن بس بو بیقراره قارداش
بو چاره سیز حسینون ائتسون نه چاره قارداش
وار دوغرانان بدنده چوخ کاری یاره قارداش
قیل بیر منه اقلاً حالین بیان اباالفضل
..
..
دوشدون ندن بو حاله علقم دونیدی قانه
بیر مشگ سو یولوندا اولدون اوخا نشانه
دور بیرده خیمه گاهه منله اولاق روانه
گوزلور یولون خیَمده لب تشنگان اباالفضل
..
..
افسوس اولا قالوبدور یئر اوزره قانلی پرچم
آغلار اسفلی حاله سعی و صفا و زمزم
دور قامتیم اولوبدی قارداش بو غصّه دن خم
گلمور یولوم خیامه سن سیز اینان اباالفضل
..
..
من زینبه بو حالون ایلوم نه نوعی اظهار
سرداریمی یخوبلار نهر اوسته قوم اشرار
سن سیز منه اولان یوخ بو چولده بیر هوادار
جسمیمده قالمیوبدی تاب و توان اباالفضل
..
..
قالدی گوزی یولوندا شش ماهه شیرخوارم
اول طفله من نه نوعی سویلوم کسیلدی چارم
سقا بویاندی قانه بو غمده دل فکارم
نی تک گلر نوایه اول بی زبان اباالفضل
..
..
سندن صورا حسینه ایلر جسارت اعدا
هئچ بیر وزیر قویماز دلخسته شاهی تنها
قارداش بو وضع و حالت جسمیمدن آلدی یارا
گر چه واریمدی سندن چوخ امتنان اباالفضل
..
..
یات علقم اوسته دینجل گرچه یارالی یاتدون
بیر گوز ایکی قولوندان گئچدون مرامه چاتدون
گرچه منی قوجاتدون عرشه باشیم اوجاتدون
بو شأنه غبطه ایلر کروبیان اباالفضل
..
..
هر کیم بو آستانه گلسه تاپار سعادت
قویما «شهابی» اولسون محشر گونی خجالت
بیر جوت کسیک الیله ایله اونا شفاعت
بیر عمر آدون ائدوبدی دیلده روان اباالفضل
..
..
#عباسیه #شهاب_اهری #عباسیه_شهادت #ترکی #زبدةالاشعار
نظر دهید