ای نوربخش بارگه کبریا، علی #حیدریه_سید_عظیم_شیروانی

در مدح حضرت علی (ع)
.
#زبدةالاشعار
.
: @nohe_torki
.
سید عظیم شیروانی
.
ای نوربخش بارگه کبریا، علی!
وی خاک بارگاهی اولان کیمیا، علی
.
ظلمت سرای دهر سنینله تاپیب ضیاء،
ای آسمان رفعته شمس الضّحی، علی!
.
سالمازدی بو جهانا ضیا اولماسایدی گر،
خاک رهین گونش گؤزونه توتیا، علی!
.
سو وئرمه سئیدی عالمه ابر عنایتین،
روی زمینده بیتمزیدی بیر گیا، علی!
.
دستینده دیر همیشه سنین خامه ی قدَر،
تحت تصرّفونده ده لوح قضا، علی!
.
بیر ضربتینده وار ثقلینین عبادتی،
وار کیمده بؤیله رتبه و قدر و بها، علی!
.
مدحینده کافی اولسا ایدی قُل کفی اگر،
ختم رسل ائده ردی اونا اکتفا، علی!
.
هانسی فضیلتین دئیم ای نور اولیا،
ای باب شهر علم رسول خدا، علی!
.
اول اِنَّما وَلیّکم اللهدن مراد،
سنسن بو خلق عالمه، ای پیشوا، علی!
.
انگشتریله سائلی سن ائیله دین غنی،
سندندی اهل عالمه رسم سخا، علی!
.
سنسن او رحم دل شه مسکین نواز کیم،
شأنینده نازل اولدو سنین هَل اتی !، علی
.
بیت الحرام اولدی مقام ولادتین،
زینت سنیله مروه تاپیب هم صفا، علی
.
.
#حیدریه_مدح
#ای_نور_بخش_بارگه_کبریا_علی
#ترکی
.
#زبدةالاشعار
.
: @nohe_torki