آمدن آل الله به قتلگاه
.
.
.
مرحوم سعدی زمان
.
.
حسین مصیبتی دریادی یوخدی پایانی
اودور که ایمدیده جوش ایلر ایل به ایل قانی
.
بلنمورم بو نه غمدور عقول حیراندور
فلک ملک بو مصیبتده اشک ریزاندور
.
قتیل العبره دی مقتول اولوب سو اوسته سوسوز
اودور سبب بو شهه عرش و فرش گریاندور
.
دویونجا عترتینی قویمیوبلار آغلاماقا
بو غصّه مایۀ فریاد و داد و افغاندور
.
کسوبله باشینی عریان قویوبلا گل بدنین
یارالی جسمی قوری یرده قانه غلطاندور
.
گلوب جنازه سی اوسته مخدّرات حرم
گوروبله مصرعی دریا کیمی دولی قاندور
.
توکولدولر دوه لردن تمام عورت اوشاق
بولوبله وصل یتور باشه وقت هجراندور
.
قوروبلا حلقۀ ماتم او نعش پاک اوسته
حرملرین گوزی گویا بیر ابر نیساندور
.
او بیر گله واریدی قرخ شکسته پر بلبل
و لیک بیر دلیله هر بیری نواخواندور
.
دوتوب او قانی خانیملار یاخاردی ساچلارینا
دیردیلر بو منای وفاده قرباندور
.
اولوب او دم متوجّه علی قیزی زینب (1)
علیل امامی گوروب حالی چوخ پریشاندور
.
جهازسیز دوه اوستونده قولّاری باغلی
باخور او مجمعه آغلار گوزیله نالاندور
.
ایاقی باغلیدی ممکن دگل پیاده اولا
طناب و قیدیله مغلول قوم عدواندور
.
دوشوب گوزی دورانه یاخوندی جان ویرسون
غریق بحر مصیبت او شاه دوراندور
.
او قدر قالموری جسمیندن آیریلا روحی
قوای جان متزلزلدی چوخ هراساندور
.
دئدی ئولنلریمون یادگاری صبر ایله
سنون قوری نفسون حرز آل عمراندور
.
ئولنلر ئولدی قالانلار سنه تیکوب گوزینی
بو حال سنده نه حالتدی کی نمایاندور؟
.
جواب ویردی نجه عمّه صبر ایدوم دایانوم
مگر تحمّل و طاقت بو ظلمه آساندور؟
.
شهیدلر بدنی بی کفن قالوب یرده
بو پاره پاره بدنلر یریله یکساندور
.
نه بیر کفن گتورن وار نه بیرجه دفن ایلین
تاپولموری دین آخر بولار مسلماندور
.
کانّهُ که مسلمان دگولّه بو شهدا
قوری یر اوسته بو باشسیز بدنلر عریاندور
.
بابام جنازه سینه اول قدر یارا وورولوب
بسان شانۀ گیسو وجودی شان شاندور
.
نه باشی وار نه الی نه لباسی جسمینده
بنای عنصر توحید گور نه ویراندور
.
یارالاریندان آخان قانی غسلیدور بابامون
حنوط توپراقیدور حق یولوندا قرباندور
.
کلام ناطقین اوراق ایدوبله اعضاسین
ورق ورق داغلوب صفحه صفحه قرآندور
.
آناسی فاطمه نین قلبینی ایدوبله کباب
بو جور و ظلملره شاد آل سفیاندور
.
فدا او پیکره نسج الرّیاحیدور کفنی
جنازه سی خس و خاشاک ایچینده پنهاندور
.
کسوبله باشینی قانیله ایسلانوب توپراق
تمام درده بو قانلی تراب درماندور
.
«حسینی» فخر ایلمه «سعدی زمانم» من
حسین آدیله سنون عزّتون فراواندور
.
آدون حسینی یازیلسا بو فخر بسدی سنه (2)
بو آستانه ده چون جبرئیل درباندور
.
(1)ابن قولویه در کتاب کامل ، ایضاً در ناسخ التواریخ جلد امام حسین (ع) نوشته شده است.
(2) پیامبراکرم (صلی الله علیه و آله): كُلُّ سَببٍ و نَسَبٍ مُنقَطعُ یوم القیامه الّا سَببی و نسبی. روز قیامت غیر نسب من هیچ سبب و نسبی كار ساز نخواهد شد.
.
.
#کوچ_کربلا #سعدی_زمان
#حسین_مصیبتی_دریادی_یوخدی_پایانی
#بلنمورم_بو_نه_غمدور_عقول_حیراندور
#چهارده_معصوم_حسینی ص 181
#ترکی
#زبدةالاشعار
نظر دهید