ای یارالی گول جسمون سربسر جراحتدور #کوچ_کربلا_حسین_رحمتی

کوچ از کربلا
زبانحال حضرت زینب (س) خطاب به حضرت امام حسین (ع)
..
..
مرحوم حاج میرزا حسین رحمتی مرندی
..
..
ای یارالی گل جسمون سربسر جراحتدور
وای اولا منه قارداش سنده بو نه حالتدور
..
..
سن کیمی بو عالمده بیر یارالی جان ويرمز
ایسی قوملار اوستونده تشنه لب اینان ويرمز
بو يارالارون مثلین بیر نفر نشان ویرمز
بیر بله ستم آیا اجرت رسالتدور
..
..
جرئتيله سعد اوغلی ویردی لشگره فرمان
قول قولا طنابیله باغلادی بیزی دونان
آچ گوزون بو قان دولموش گوزلریوه من قربان
زینبون حسین سن سیز ئولمگی سعادتدور
..
..
گول جنازن اوستونده ایتمیوم نجه شیون
جسموی قویوب عريان اللرين كسوب دشمن
من نجه دییم آخر سن منیم حسینیم سن
نه بدنده باش وار نه اللرین سلامتدور
..
..
گرچه جسمیوه دشمن ظلم ایدوب یاران چوخدور
نیزه و قلیج خنجر دگمین یرین یوخدور
یاندوران منی لاكن قلبیوه دگن اوخدور
وار تعجبیم آخر بو نجه جنایتدور
..
..
آیریلوخ زمانیمده بو وجود اطهردن
یوخدی بیر یرین سالم تا اؤپم همان یردن
باری قوی اژپوم قارداش بو یارالی اللردن
اللرينده منظوریم بوسه دن زیارتدور
..
..
ای قوری یر اوستنده پیکری قالان عریان
چوخ محالیدور اولسون زخمیوه سنون درمان
بیر بدنده بو سان سیز یاروه آنام قربان
عمریده سنی آخر گورمگوم بو ساعتدور
..
..
«رحمتی» سنه آلتی ناکس اولدی پیچیده
ایتدیلر سنون قلبون بو سوزیله رنجیده
سن شکایتون ایله حقّه ای ستمدیده
حق اوزی قیامتده ظالمه کفایتدور
..
..
#کوچ_کربلا #حسین_رحمتی #ترکی #زبدةالاشعار