بابا یا مرتضی تیز گل هرایه #عباسیه_شوری_تبریزی

رجز شهادت حضرت ابوالفضل (ع)
از زبان سادات خطاب بحضرت علی (ع)
..
..
مرحوم میر محمود آقا شوری تبریزی
..
..
بابا یا مرتضی تیز گل هرایه
آلوب عبّاسوی لشگر آرایه
..
سالوبلا قولّارین بو قوم عدوان
اولوبدور دستگیر اهل جفایه
..
آلوبدور دوره سین قوم ستمگر
که وورسون آز قالور باشین جدایه
..
قالوب نچه شقى جلّاد النده
دوشوبدور ظلمیله دام بلایه
..
نه واردور بیر نفر فریاده گلسون
نه واردور کیمسه یتسون بیر هرایه
..
حسینون قامتین بوکدی بو محنت
گلوبدور خیمه ده شور و نوایه
..
حسین اوخشار خانم زینب سیزیلدار
دونوبدور خیمه لر ماتم سرایه
..
حسین گلدی تاپا قارداشین امّا
دیردی راضیم قارداش قضایه
..
تاپوبدور قارداشین توپراقلار اوسته
دیدی جانیم فدا، سن تک فدایه
..
سنی قارداش بو حاله کیم سالوبدور
بو حالون چوخ چتیندور مرتضایه
..
گوزون قربانیم بیر گوزلرون آچ
دانش منلن برادر گل صدایه
..
منی قویما بو غربت یرده یالقوز
اماندور رحم ایله من بینوایه
..
سنون گوزلور یولون نازلو سکینه
چخوبدور ناله سی عرش خدایه
..
اگر احوالوی مندن سوروشسا
برادر نه دیوم اول مبتلایه
..
گلوب نطقه دیدی قارداش اماندور
سنی ویرّم قسم خیر النّسایه
..
آپارما سن منی قارداش خیامه
جوابیم یوخ منیم آل عبایه
..
سو مشگین سن آپار زحمت قبول ایت
نشان ویر عترت خیر الواریه
..
دوروب قدّی خمیده شاه مظلوم
قویوب قارداش باشین خاک شفایه
..
خیامه یوز قویوبدور گئتسون اما
خبر اولدی او دم اهل جفایه
..
دیوبلر بیر بیرینه اهل کوفه
وورون سقّا باشین نوک جدایه
..
اماندور «شوریا» آل ساخلا یازما
قلم ویرما داخی بو ماجرایه
..
..
#عباسیه #شوری_تبریزی #عباسیه_شهادت #ترکی #زبدةالاشعار