جان اوستیم ای محرم اسراریم ابوالفضل #حسینیه_معزی_اردبیلی

زبانحال حضرت امام حسین (ع) هنگام شهادت
خطاب به حضرت ابوالفضل (ع)
..
..
مرحوم معزی اردبیلی
..
..
جان اوستیم ای محرم اسراریم ابوالفضل
گل چک اوخی قلبیمدن علمداریم ابوالفضل
..
..
قارداش چاغوراردیم سنی قلبیم سخلاندا
افلاکه طرف شعلهٔ آهیم چیخیلاندا
یوز نهره دوتوب سسلدیم آتدان یخلاندا
قویما یخلام تپراقا غمخواریم اباالفضل
..
..
میداندا ویروب حرمله پیکان اورگیمدن
سیزقین سوزولوب کوینگیمه قان اورگیمدن
مهرون چخا حاشا بو پریشان اورگیمدن
عشقیم سنه چوخ چوخدی وفاداریم اباالفضل
..
..
قارداش گلر امدادینه قارداش ویریلاندا
دؤزمز ایکی گوزدن یوزه قانیاش ویریلاندا
گل قویما ئولن چاقی منه داش ویریلاندا
بی یاورم الده ئولوب انصاریم اباالفضل
..
..
امداده گلن وقتیده قولارووی ئوپدوم
سنمیشدی بلیم دیدۀ خونبارووی توپدوم
دیز اوسته قویوب باشووی رخسارووی ئوپدوم
گل قوی سنی گورسون گوزوم ای یاریم اباالفضل
..
..
تل اوستن انوب غملی باجیم معجر الینده
قاتل ده گلور قتلگهه خنجر الینده
باشیم دولانار شمر ستم پرور الینده
گئج گلمه منی گورمگه سرداریم اباالفضل
..
..
گلسون گیدوب اوّلده آدامسیزلاری دیندیر
آواره قالان یالقوز اوغولسوزلاری دیندیر
چک اللرووى باشلارینا قیزلاری دیندیر
گورسون گنه سقاسینی قیزلاریم اباالفضل
..
..
سسلور سنی اخیامیده گریانلاریم آغلار
بوش مشکی باسوب باغرینا عطشانلاریم آغلار
بیر خیمه ده چوخ حالی پریشانلاریم آغلار
زینب نگراندور ئوله بیماریم اباالفضل
..
..
#حسینیه #معزی_اردبیلی #حسینیه_شهادت #ترکی #زبدةالاشعار