بو همان صحرای خونین بلادور عمه جان #اربعین_هادی_تبریزی

اربعین
..
..
مرحوم هادی تبریزی
..
..
بو همان صحرای خونین بلادور عمّه جان
رمز اکسیر بقا خاک شفادور عمّه جان
..
..
بو همان طوفان ایدن دریای قان دریاسیدور
کعبۀ اهل ولادور کربلا صحراسیدور
عرش جانان فرشیده بو یردی جان مأواسیدور
نیستان نالۀ قالو بلادور عمّه جان
..
..
بو همان یردور بابام اؤز باش و جانیندن گیچوب
جامۀ حق اگنینه خیّاط آزادی بیچوب
آلتی آیلوق قارداشیم پیکان دمیندن سو ایچوب
مکتب ضد و نقیض لا، بلی دور عمّه جان
..
..
بو همان یردور که آبستن اولموشدی غمه
بو همان یردور یاتوب منجی خلیل و آدمه
بو همان یردور یاتوب مرشد مسیح مریمه
روح و نور ذات پاک کبریادور عمّه جان
..
..
بو همان یردور بو یرده کشف اولوبدی سرّ لن
بو همان یردور یاتوبدی شهریار ذوالمنن
بو همان یردور که خاتم غارت ایتدی اهرمن
آیت عظمای سرّ قل کفی دور عمّه جان
..
..
بو همان یردور سینوبدور چرخ حق دندانه سی
بو همان یردور که معلول اولدی غم دیوانه سی
بو همان یردور یاتوبدی شمع حق پروانه سی
سرزمین ناله و داد و بکادور عمّه جان
..
..
کربلادی، انتهای کوره راه عشقدور
پایتخت غمفزای پادشاه عشقدور
منبع نور خدادی، جلوه گاه عشقدور
قبله گاه انبیا و اولیادور عمّه جان
..
..
بوردا ثابتدور، ای عمّه نقطۀ پرگار غم
کعبۀ اهل ولادور کعبه دندی محترم
حجّ عشقه محرم اول، تز باغلا احرام حرم
مدفن کلّ صفات کبریادور عمّه جان
..
..
کربلادور کعبۀ حق کعبه بیر بتخانه دور
گر چه هر بتخانه باطنده، خدایه خانه دور
لیک هر بیر خانیه بو شاه صاحبخانه دور
چون رگ و قلبینده قان، خون خدادور عمّه جان
..
..
قلّۀ قاف محبّتده یاتان عنقایه باخ
اوز گلوندن آیری دوشموش بلبل شیدایه باخ
خیرداجا بیر قبرده بیرده قامت سقّایه باخ
معدن حجب و مروّتدور وفادور عمّه جان
..
..
گون ایدوب زینت بو صحراده سهیلی دوشینه
سود امر اوغلون آلوب عمّه بابام آغوشینه
ایمدیده لایلای دیور ششماهه طفلین گوشینه
چون شهید عشق قانونی سوادور عمّه جان
..
..
وار یری لیلا گوزونده گوندوز اولسون مثل شب
زیر پای شهده قارداشیم یاتوبدور وار سبب
حالت مرگینده ده ایلور مراعات ادب
عالم معناده قربان منادور عمّه جان
..
..
طور سینادی اولوبدی نور وحدت منجلی
موسی عمران دوشوب دامانینه بولمز ولی
شمع فانوس خدادور بو حسین ابن علی
معنی الماء نوره برملادور عمّه جان
..
..
گر چه «هادی» خادم درگاه شاهنشاهدور
ایله سون ارشاد مرشد، ظاهراً گمراهدور
نور شمعی کلبۀ قلبینده نور آهدور
غم ولیکن مونس اهل ولادور عمّه جان
..
..
..
#اربعین #هادی_تبریزی #ترکی #زبدةالاشعار