تصنیفِ شعری ساز و دف و تاره وئرمرم
ماهور و شور و گوشۀ افشاره وئرمرم
یاقوت اولا حریر اولا اشعار ناب اولا
بیر بیت نابی سُندُس زرتاره وئرمرم
کِلکیم جوشار ولی هاموسین لوحه یازمارام
هر بیر سخیف شعر اولا بازاره وئرمرم
گوز یاشینی بها ائدرم شعر نابیمه
بی مایه شعری خبره خریداره وئرمرم
بازار جمعه دور هامی شعرین آلیر ساتیر؟
طومار جان دی؛ درهم و دیناره وئرمرم
دنیا یوزین اگر دوتا اشعار ناب ، من
بیر بیتِ نابِ ((زُبدَۃُالاُشعاره)) وئرمرم
#مصیبی_تبریزی
#تصنیف_شعری_ساز_و_دف_و_تاره_وئرمرم
#زبدةالاشعار_در_کلام_شعرا
#ترکی
.
✍️ #زبدةالاشعار ✍️
🆔: @nohe_torki
نظر دهید