تعالی الله: جانسان یا که جانان یا رسول الله؟ #فاطمیه_شبخیز

شهادت حضرت زهرا (س)
.
#زبدةالاشعار
.
: @nohe_torki
.
مرحوم #شبخیز
.
تعالی الله: جانسان یا که جانان یا رسول الله؟
اولوبدور خلقتنده ، خلق حیران یا رسول الله
.
کمالِ خلقتون خلقتده اولموش خلقته عنوان
اولوب لولاکه بو عنوانه برهان یا رسول الله
.
حریمِ درگهون افضل دی مین قصر ِسلیماندان
قاپوندا مور ِمسکین دور سلیمان یا رسول الله
.
دیانت مُلکونون تختنده سلطان ِمؤید سن
که عدلیندن مشید کاخِ ایمان یا رسول الله
.
قالار کنجِ لبینده بارماقی گر گورسه حسرتدن
یقین مِهرِ جمالون ، ماه ِکنعان یا رسول الله
.
حریمِ بارگاهِ لطفیوه اجلال و عزّتده
سزادور رشگ ائده موسی بن عمران یا رسول الله
.
وجودون علّتِ غائی اولوبدور کون و امکانه
تاپوپ فیض ِوجودوندان جهان جان یا رسول الله
.
کرم درگاهیسان بیر کیمسه مأیوس اولمیوب اولماز
قاپوندان کافر اولسون یا مسلمان یا رسول الله
.
گدادور باب ِاحسانندا مین لر حاتم ِطائی
سنون تک یوخ عطا مُلکونده سلطان یا رسول الله
.
گونش قندیل ایوانین دی ، آی شمعِ شبستانین
فلک بزمون ، مَلک بزمینده ، دربان یا رسول الله
.
بلا هنگامه سنده فیضِ لطفون ایلدی امداد
خلیل اللهه اود اولدی گلستان یا رسول الله
.
قدم تا رنجه قیلدون عالَمِ امکانه ، هیبتدن
ییخیلدی قصرِ خسرو ، اولدی ویران یا رسول الله
.
مُبرّادور خلایق مدحتندن شرحِ اوصافون
سنون وصفینده بس آیاتِ قرآن یا رسول الله
.
بهشتین فکرین اوّل آتموشام باشدان که عشّاقه
حریم ِدرگهون دور باغ رضوان یا رسول الله
.
ندن یا للعجب ، بیلمم قالوب حیرتده عالَم لر
یتوردی اهلِ ظلمی کامه دوران یا رسول الله
.
او درگه که مَلک اذن آلمینجه داخل اولمازدی
ووروب اود ظلمیله یاندیردی دونان یا رسول الله
.
کمال ِخجلتیمندن دیل بیانِ شرحه قاصردور
نه ظلم ائتدی قیزون زهرایه عدوان یا رسول الله
.
یاناندا ظلم اودوندا درگهی بیلمم نلر چکدی
خدیو ِملُک عرفان ، شاهِ مردان یا رسول الله
.
ریاست گوزلرین توتدی ، خدایه اولدولار طاغی
جفادن ائتدیلر دنیاده طغیان یا رسول الله
.
گلستانِ وفایه کینه دن یول سالدی کرکس لر
ترانه اولدی بلبل لرده افغان یا رسول الله
.
جفادن پایمال اولدی گُل ِگلخانۀ توحید
پوزولدی ظلم الیله باغِ عرفان یا رسول الله
.
غَرَض عرض ارادت دور ، بهانه ائتموشم شعری
امید رحمتونله الده عنوان یا رسول الله
.
گدادنده گدادور درگهونده بینوا شبخیز
ترحّم ایله ، قیل مشمولِ احسان یا رسول الله
.
#پیامبراسلام_مدح
#فاطمیه_شهادت
#تعالی_الله_جانسان_یا_که_جانان_یا_رسول_الله
#ترکی
.
#زبدةالاشعار
.
: @nohe_torki