به مناسبت حلول ماه مبارک رمضان
..
..
رضا غلامپور (دلپاک)
..
..
تمام انفس و آفاق غرق رحمتدور
ائدن دوباره تموّج یمِ فضیلتدور
..
فلکده ظاهر اولوب پیک حضرت باری
مرامی امّت مرحومیه بشارتدور
..
مه صیام چکیر جار سمت رحمتدن
دئیور کی اهل حقیقت بو شهره دعوتدور
..
گلون خلوص دلیله ضیافت اللهَه
کی خاصه اهل خلوصه گوزل ضیافتدور
..
شمیم مغفرت الله دوتوبدی افلاکی
مشام عالمه عطری خجسته نعمتدور
..
آچوبدی میکدۀ عشق ساقی خالق
رحیق نابینه مدهوش کلّ خلقتدور
.
خدای جلوه گر ائیلوبدی کُنهِ قاموسین
شکوه رحمتینه تک مرامی آیتدور
..
فیوض اعظمی الطاف حیّ سبحاندان
تک امّت شه خیرالورایه قسمتدور
..
گل فضیلت آچیبدی بهار قرآندی
کتاب حقّه فلک تشنۀ تلاوتدور
..
ضمیر احمده مصحف بو آی اولوب نازل
نه مصحفی که اساس ره شریعتدور
..
هزار شهریدن افضلدی لیلة القدری
رموزی سرّ دیانتدی رمز وحدتدور
..
ثواب سورۀ قدرین تلاوتی مطلق
میان شام و سحرگاه چون شهادتدور
..
نه ذکر حق نه نیایش نه بیر دعا حتی
نفوس اهل عبادت بو آی عبادتدور
..
طنین شرشر رحمت دوتوبدی غبرانی
آخان یر اوسته گئنه چشمۀ کرامتدور
..
حدیث فاخر « الصَّوْمُ جُنَّةٌ مِن نار»(1)
مقام صوم صمیمه بویوک دلالتدور
..
چکلّه بنده بو آی جمله قوم ابلیسی
نه وار بو آیدا کی نوری بو قومه ظلمتدور
..
مقام اقدس قوسینیدن بویوردی خدا
صیام امری رسولیم اصول حکمتدور
..
تاپان بو اصلی ائدر کشف معرفت رازین
کی کشف معرفتین حاصلی رضایتدور
..
مسخّر ایلیه هرکیم رضایتون ملکون
یقین ممالکینه شاه با جلالتدور
..
صیام خاصه منیمدور اوزومده اجر صیام
ثوابی لیک حضوریمده بینهایتدور
..
چکر منادی بو آی متّصل فلکدن جار
یاغان سحاب سوزوندن یئره هدایتدور
..
دئیر کیم اولسا مقیم حریم استغفار
مقامی لطف خدادن حریم جنتدور
..
اویان کونول که حضور نگاره دعوتسن
داخی بو خواب ندور سنده بو نه غفلتدور
..
زلال ذکریله دور بیر زکی نفس ایله
که نفس مأمن حق و مناط فطرتدور
..
ائله تلاطمه دللر دوشوبدی دریا تک
که عقل کشتیسی مغروق بحر حیرتدور
..
(1) قال رسول الله (صلی الله علیه وآله وسلم):
«الصّوم جُنَّة مِنَ النّار»
«روزه سپر آتش (جهنم) است» (الکافی، ج 4، ص 162)
..
..
..
#رمضانیه #دلپاک #ترکی #زبدةالاشعار #مناجات
نظر دهید