شهادت حضرت امام حسن مجتبی (ع)
.
✍️ زبدة الاشعار ✍️
.
🆔: @nohe_torki
.
مححمد رضا صادقی
.
حسرتله باخوبدور ایکی قارداش سویا نالان
ایچدی بیری یاندی بیری لب تشنه ویروب جان
.
.
بیر جرعه ایچیبدور بیریسی گوزلری آخدی
اما بیریسی حسرتیلن اول سویا باخدی
اول تشنه غمی یاندیروب عالملری یاخدی
سیراب اولانون اولدی ولی حالی پریشان
.
.
تا سو ایچنون دوشدی سوزی ملک حجازه
تشییعینه بیر عده گلوب دوردی نمازه
سو ایچمینه اولمادی تشییع جنازه
اوچ گون بدنی یرده قالوب ظلمیله عریان
.
.
اوخلاندی بیری ظلمیله صحرای بلاده
تابوتیده اوخلاندی بیری حال عزاده
نیسگیللری قویدی باجیسون آه و نواده
ایوده بیرینی چولده بیرین ایلدی گریان
.
.
بیر قارداشینون وار حرمی زائری چوخدی
افسوس اولا بیر قارداشینون زائری یوخدی
بو غم باجیسی زینبه بیر زهریلی اوخدی
دگدی اورگین ایلدی حشره کیمی شان شان
.
.
مین عالمه اولا زینبه بیله محن اولماز
قارداشی حسین تک یارالی بیر ئولن اولماز
بو رسمیدی هیچ کیمسه غریب وطن اولماز
قارداشی حسن تک اوز ایوینده ائده افغان
.
.
(( شیدا )) بو سوزی ثبت ائلدی دفتره گریان
بیر قارداشا سو وئرمدیلر تشنه وئروب جان
بیر قارداشی سو ایلدی اوز قانینه غلطان
ایچدی بیری سو اولدی بیری اولدی لب عطشان
.
#حسنیه_شهادت
#حسرتله_باخوبدور_ایکی_قارداش_سویا_نالان
#حسنیه_محمدرضاصادقی
#ترکی
.
✍️ #زبدةالاشعار ✍️
.
🆔: @nohe_torki
نظر دهید