اربعین
.
✍️ #زبدةالاشعار ✍️
.
🆔: @nohe_torki
.
مرحوم شانی تبریزی
.
حسین دیار شامیدن قبریوه سلامه گلموشم
رنج فرقتون بیراربعین وئرموشم تمامه گلموشم
.
.
بخت عجب منیله یار اولوب دورموشام بوقبره روبرو
دولدوروب مشام جانیمی عطریله بو خاک مشکبو
چوخ زماندی هر گئجه گونوز قبریوی ائدردیم آرزو
شکر اولا خدایه یتموشم دلده کی مرامه گلموشم
.
.
چکموشم بیر عمردور حسین بوگونون من انتظارینی
سوسپوپ سرشکیله سیلم توزلی قبریوین غبارینی
یاخشی سالدی بو چوله فلک بیرده زینبون گذارینی
لطف کردگار عجب منی نائل ائتدی کامه گلموشم
.
.
ائیلدیم بیر اربعین حسین دلده ذکریمی حسین حسین
من حسین دینده قیزلارون گلدی دلده چکدی شور و شین
باش گوتور بو توزلی قبریدن ای اولان بتوله نورعین
گور نه روزگاریمی غمون دوندروبدی شامه گلموشم
.
.
ظاهراً اگر چه شمر دون ائتدی دستگیر زینبی
باطناً سنون کسوک باشون ائیلدی اسیر زینبی
بولمیوب مقام و شأنینی ساندیلار حقیر زینبی
گوردولر اسیر اولموشام فرقۀ لئامه گلموشم
.
.
خیمه لر یاناندا غارته گئتدی زیور و اساسیمیز
کهنه بیر عبا او گون بیزیم اولدی ساتر و لباسیمیز
ایستدیم که ناقص اولماسین ایمدی بولباس یاسیمیز
قمچیدن تهیه ائیلیوب بیر سیاه جامه گلموشم
.
.
اهل عشق ایچره سن منی یاخشی سرفراز ائیلدون
خلقه احترامیمی عیان ای شه حجاز ائیلدون
کوفه ده کسیک باشیله بیر عالی پیشواز آئیلدون
پا پیاده ائتماقا عوض من او احترامه گلموشم
.
.
من هامی جفایه صبرائدوب دوزدوم ائتمدیم حسین گله
کوفه ده ولیک امریمیز یتدی ائیله سخت مشکله
دل آلیشدی ، یاندی خاطریم گلدیم اضطراریدن دله
گوردولر آتام علی کیمی ناقه ده کلامه گلموشم
.
.
ایسترم دوباره خاطرون غصه دن مکدّراولماسون
شام محنتی گلوب دله تازه دن مکرّر اولماسون
لیک اول عجوزه نین نئجه ظلمی دلده ازبر اولماسون
سویلدی عجب گلوب بو باش منده انتقامه گلموشم
.
.
حالی سن نه غملر اوز وئروب آل بوترابه شامیده
آلتی آی مکانیمیز اولوب مسجد خرابه شامیده
اوچ امامی چکدی بیر شقی مجلس شرابه شامیده
شکوه ائتماقا او بزمیدن محضر امامه گلموشم
.
.
شامیده قزون وئرنده جان بسکه چوخ مکدراولموشام
کربلادن آرتوخ اوردا من باش آچوب ساچیمی یولموشام
قالمیوب داخی تحمّلیم جانه دویموشام یورولموشام
قصد استراحتیله بومأمن انامه گلموشم
.
.
او گئجه غریبلوخ منه ائیلدی خرابه ده اثر
گلمدی مزاره قویماقا نازنین بالاوی بیر نفر
وار نقدری استقامتی بیر اسیره عورتین مگر
بی سبب دگل که صبریمی وئرموشم ختامه گلموشم
.
.
سولدی عارض رقیّه تا گل سولوب چمنده آغلادی
بئیله بولمه بیر ئوز عترتون غسلنی وئرنده آغلادی
تازیانه یرلرین گوروب یاندی پیر زنده آغلادی
گورنه نوعی من دوزوب ائله محنت عظامه گلموشم
.
.
سویلدی بونون مصیبتی وار یری جهانی یاندورا
گر آناسی وار کنار ائدون قویمیون خرابه ده دورا
هانسی بیر شریر سنگدل ئولدوروب بونی وورا وورا
سویلدیم جواب اونا بلی من بو نوعی شامه گلموشم
.
.
کسمز عندلیب علاقه سین گلستان و بوستانیله
شأنیده علاقه باغلیوب بو صفالی گلستانیله
بیر نولور گورم حسین آقا قبریوه بو دوستانیله
بیرالیمده نامۀ الم بیر الیمده خامه گلموشم
.
.
#اربعین_شانی_تبریزی
#حسین_دیار_شامیدن_قبریوه_سلامه_گلموشم
#ترکی
.
✍️ #زبدةالاشعار ✍️
.
🆔: @nohe_torki
نظر دهید