حسین یاندوردی گل دشمن خیام آل طاهانی #غارت_خیام_هوشی_تبریزی

زبانحال حضرت زینب (س) درغارت خیام
.
#زبدةالاشعار
.
: @nohe_torki
.
.
مرحوم غلامعلی باقری الهامی (هوشی تبریزی)
.
حسین یاندوردی گل دشمن خیام آل طاهانی
قویوب اهل جفا آواره بو جمع پریشانی
حسین جانم حسین جانم حسین جانم حسین جانم
.
.
ویروب دستورغارت تا عمرسعد جفا پرور
خیام اوسته یرش گتدی خیال غارته لشکر
توکولدی مخیمه قا رداش حسین بیرعدّه غارتگر
نه غارتگر آتوب دینی دانوبلار جمله قرآنی
.
.
ویروبلار اود خیام عصمته یکسر خیم یاندی
قالوب اود ایچره خرگاه زنان مَه شیم یاندی
بواود دان اود دوتوب عالم سراسرگردییم یاندی
یقینیم دورخلافی بو سوزون اولماز حسین جانی
.
.
خیام ایچره حسین گل گوربونه شورو نه وحشتدور
قوپوب بیراوزگه غوغا گوئیا روزقیامتدور
یانوربیریاندا قارداش خیمه لر بیریاندا غارتدور
گورونموبدورجهاندا گورمیوب کیمسه بوتالانی
.
.
گروه کینه پرورظلمودن آفاقه اود سالدی
حسین گل هارداسان دشمن الینده عترتین قالدی
جسارت ایلیوب دشمن روقیه معجرین آلدی
گتوردی نالیه نی تک جفائیله او نالانی
.
.
بوغارتدن یازولدی عالمه بیراوزگه برنامه
بوجوروظلم دشمن تا جهان وار یتمز اتمامه
تجاوز اهل کفر ایلرحریم پاک اسلامه
گوررهر دورده اهل یقین هر ظلم دورانی
.
.
گروه پست فطرت ظلمودن هرگز حسین دویماز
جفاسین کامل ایلر جای نقصان ظلموده قویماز
کمک سیز اولسا بیر کیمسه اونی دشمن مگرسویماز
سویول لار زینبی قارداش بوشام و کوفه دونانی
.
.
اولوب برپا قیامت کربلاده روز محشردور
نه محشرمحشرکبرا حسین بوحشره مظهردور
او محشر محشر صغرا ولی بو حشرِ اکبردور
اولور شرمنده گورسه حشر صغرا حشر کبرانی
.
اسوب باد خزان قارداش گلوم سیندی بوداقیندن
داخی بیرده بهاراولماز بو واضح دورسیاقیندن
سکینه گوشوارین گل چخاردولّار قولا قیندن
ویروب گاهی یخار دشمن یره اول دیده گریانی
.
.
حسینیم داده گل جانه گتوردی غم من زاری
بسان ابرنیسان گوزلریم قان یاش ایدرجاری
چیخاردام ایستدیم اوددان بالان سجّاد بیماری
دوتوب اود یاندی جانیم ای سریرعشق سلطانی
.
.
بلا صحراسیدور قزلار توکور رخسارینه قانیاش
قالوب قرخ مین قوشون ایچره بوبا شسیزعترتون قارداش
ابوالفضلین بوساعتده بو یرده ساق اولیدی کاش
ایدیدی تا حمایت اهل بیته اول وفا کانی
.
.
گوزومده گوندوزوم قارداش جفائیله دونوب شا مه
سالوب صیاد کین پرورحرم آهولرین دامه
چکورقول باغلی جبریله سنان و شمردون شامه
قضا ایلوب اسیر اهل با طل اهل دنیانی
.
.
منیم تک بیرکسون قارداش جها ندا باغری قا ن اولماز
فلک دوشسون مداریندن بیله دور زمان اولماز
جهاندا اهل باطل اهل دینه پاسبان اولماز
بوسوزمشهورعا لمدور داخی یوخ جای نقصا نی
.
.
غم ایامیدن هرآن دل (هوشی) گلوب درده
حسین دردین بولن یوخدور ایده چاره چکرپرده
گلوب درگاهیوه آخرپریشان ودل افسرده
اوزوندن نا امید ایتمه اونون وارسنده درمانی
.
.
.
.
#غارت_خیام_هوشی_تبریزی
#حسین_یاندوردی_گل_دشمن_خیام_آل_طاهانی
#ترکی
.
#زبدةالاشعار
.
: @nohe_torki