من هارا کربلا هارا
#گریز به #قتلگاه
..
..
..
#سبک_ای_حرمینه_ناز_ایدن … 4 سبک … واردی باشیمدا یا حسین … عطری گلور محرمین …
..
..
..
مرحوم کریمی مراغه ای
..
..
..
..
دلده دیردیم ای خدا من هارا کربلا هارا
الفت شاه با گدا من هارا کربلا هارا
..
..
..
..
کرب و بلا که تربتی خاک شفای شیعه دی
توپراقی سنگریزه سی لعل و طلای شیعه دی
بین حرم الى حرم مرو و صفای شیعه دی
نهر فراتینون سویی آب بقای شیعه دی
کیسه ی بینوا هارا گوهر شبنما هارا
من هارا کربلا هارا
..
..
..
..
کرب و بلا قلمرو شاه سریر عشقیدی
معبد اهل معرفت مسند پیر عشقیدی
خاک امیر عشقیدی کاخ وزیر عشقیدی
مین لر عزیز مصرلر اوردا اسیر عشقیدی
خاک شریفی کیمیا من هارا کربلا هارا
من هارا کربلا هارا
..
..
..
..
کرب و بلادی فاطمه گللرینون سولان یری
زینب عزیز عترتین ساچلارینی یولان یری
خیمه لرین تالان یری قزلار اسیر اولان یری
دشمنین آل عصمته گوزلرینون دولان یری
اور دادی شرح من بکا من هارا کربلا هارا
من هارا کربلا هارا
..
..
..
..
من یوزی قاره بیر گدا باب عطایه گلمیشم
لطف و مرحمت جود و سخایه گلمیشم
دلده حسین حسین دیوب کرب و بلایه گلمیشم
اوز آقاما تشکره مدح و ثنایه گلمیشم
قبریوه قربانام آقا من هارا کربلا هارا
من هارا کربلا هارا
..
..
..
..
کرب و بلا که زینبین اوردا عزا محلّی وار
زینب آدیلا آدلانان یاخشی صفالی تلّی وار
طورده بیر کلیم اولی تلیده اللى اللى وار
اوردا یانان اور کلره معالجه وار تسلّی وار
سس گلور اورد یا اخا من هارا کربلا هارا
من هارا کربلا هارا
..
..
..
..
سالدی عجب محبتون درد و بلایه زینبی
عشق چکوب مدینه دن کرب و بلایه زینبی
نازیله هاردا بسلدی گتدی هارایه زینبی
سالدی حسین دیه دیه این اخایه زینبی
مریم آل مصطفا من هارا کربلا هارا
من هارا کربلا هارا
..
..
..
..
پرده سورونمه باغریقان صبر ائله گلمه من گلوم
خسته سوسوز یارالیسان صبر ائله گلمه من گلوم
خیمه دن اولما ناگران صبر ائله گلمه من گلوم
وئرموری دشمنیم امان صبر ائله گلمه من گلوم
دوره نی آلمیش اشقیا من هارا کربلا هارا
من هارا کربلا هارا
..
..
..
..
خیمه لر اود دوتوب یانور قویمارام عترتون یانا
بیر بیر آلوب قوجاقیمه قزلاری چکمیشم یانا
گاهی خیامه قاچمیشام گاهی او قانلی میدانا
باخ منه دویموشام جانا ال ایاقیم باتوب قانا
بیر بئله ماجرا هارا من هارا کربلا هارا
من هارا کربلا هارا
..
..
..
..
فاطمه یادگاریم باشی بلالی زینبم
نی کیمی ناله ایلرم شور و نوالی زینبم
یاسلی عزالی زینبم باشی قرالی زینبم
ابطحی یم حجازی یم کرب و بلالی زینبم
هر غمه اولموشام رضا من هارا کربلا هارا
من هارا کربلا هارا
..
..
..
..
زینبم آل عصمتین عصمتی یم حیالیام
نور دو چشم حیدرم فاطمه نین مارالیام
یدّی برادریم ئولوب غصه لیم عزالیام
قانه باتوب ایکی بالام داغلی اورک یارالیام
سن هارا نینوا هارا من هارا کربلا هارا
من هارا کربلا هارا
..
..
..
..
عادت اولوب کریمیه آغلیا یا حسین دیه
هر صفری محرمی سینه وورا قراگیه
عشق و صفاسی نوحه دی شور و نواسی مرثیه
بیرده نصیبیم اولسا گر چیخسام او زینبییه
سسلرم عشقه مرحبا من هارا کربلا هارا
من هارا کربلا هارا
..
..
..
..
#کربلا #کریمی_مراغه_ای #آرزوی_کربلا #زائر_کربلا #ترکی #زبدةالاشعار
نظر دهید