زبانحال حضرت زینب به حضرت امام حسین (ع)
در شهادت حضرت علی اصغر (ع)
.
✍️ #زبدةالاشعار✍️
.
🆔: @nohe_torki
.
مرحوم رهبری تبریزی
.
ترک ایتدی او دم خیمه گهی زینب دلخون
ایلوبدی ندا قارداشینی با دل محزون
.
ویر زینبه قارداش قوزی قربانی آماندور
ال اوسته دولاندیرما بو میدانی آماندور
.
.
توکمه یوزه گوز یاشیوی بیله یانا یانه
آغلاتما منی آهیله اود سالما جهانه
قارداش بالامی کیم بویادی ظلمیله قانه
باغلا یاراسین قویما گیده قانی آماندور
.
.
حیران بیله باخما بالاوا ای شه عطشان
قویما یوزیوی گل یوزونه ایلمه افغان
اوخ یاره سینی اوپمه اولوم من سنه قربان
آغلاتما حسین عالم امکانی آماندور
.
.
سن آغلاسان عالملر حسینیم سنه آغلار
جنتده آنام آتش غمده سینه داغلار
ویر زینبه اصغر یاراسین اشگیله باغلار
یاندیرما بیله زینب نالانی اماندور
.
.
آهسته بالان اصغری آلّام الیم اوسته
بولم که ایدوب زهریلی پیکان اونی خسته
باخما یوزونه قارداش حسین قلبی شکسته
آهون یری وار یاندیرا دنیانی آماندور
.
.
هیچ بیر کس حسین عهد و وفاده سنه چاتماز
دین اوسته گوزوندن قوزی قربانینی آتماز
آهو بالاسی اوخلانا قانه ایله باتماز
گزدیرمه الین اوسته بو میدانی آماندور
.
.
گوزلور آناسی اصغرینی خیمه ده قارداش
هجرینده آلور عارضه گوزدن یوزه قانیاش
نه نوعی دیوم گل بالاوی آل گله بیر باش
داد ایتسه رباب آغلادی لیلانی آماندور
.
.
بیر من بولورم بیرده حسین سن جریانی
بولسه آناسی اوج ایده جاخ عرشه فغانی
قیزلار آلاجاخ جمله آرایه بو بالانی
قان آغلاداجاخ عترت طاهانی آماندور
.
.
آز آغلا رقیّن بوصدایه گَلی قارداش
یوخ تابی یانار آتش غمده دلی قارداش
گورسه بالانی قانینه غلطان، ئولی قارداش
درده گتورر دختر زهرانی آماندور
.
.
قارداش سنیدون پرچم اسلامی اوجاتدون
غفلت یوخوسوندان یاتان اشخاصی اویاتدون
نه گلدی سنه اوز اوزیوی بیله قوجاتدون
افکاریمی پوزما گل آنام جانی آماندور
.
.
دوشمزدون حسین بیر بیله تزیلقدا ایاقدان
بو غنچه گلون ظلم الیله سیندی بوداقدان
ای وای بالام ئولدی سسوی آلدوم اوزاقدان
قوى محشره قالسون غم عظمانی آماندور
.
.
سن صبر و وفا درسینی ویردون منه تعلیم
بحر غمه دوشسم اوزومه چاره من ایلیم
سن بیر بیله أحواله قالان وقتیده نیلیم
ظاهر ایلمه محشر کبرانی اماندور
.
.
ای کاش بالان بیر دل آچیدی دانیشیدی
دیلسیز بو قدر راه حق اوسته چالیشیدی
نه گوز یاشی گُل قانینه بیله قاریشیدی
ویر زینبه بو عاشق جانانی آماندور
.
.
گرچه بالاوین عمری حسین یتدی تمامه
اوخلاندی الین اوسته علی چاتدی مرامه
گوز یاشلی بالان الده بیله گئتمه خیامه
آغلاتما داخی خیمه ده نسوانی آماندور
.
.
دی کرب و بلا شاهی سنون شأنیوه قربان
جان ویردی الین اوسته علی اصغرون عطشان
شش گوشه مزاره منی دعوت ایله مهمان
تا زائر اولام وقفۀ قربانی آماندور
.
.
#اصغریه_رهبری_تبریزی
#اصغریه_شهادت
#ترک_ایتدی_او_دم_خیمه_گهی_زینب_دلخون
#ویر_زینبه_قارداش_قوزی_قربانی_آماندور
#ترکی
.
✍️ #زبدةالاشعار✍️
.
🆔: @nohe_torki
نظر دهید