زبانحال حضرت امام حسن مجتبی علیه السلام
.
✍️ #زبدةالاشعار ✍️
.
🆔: @nohe_torki
.
غلامعلی آذری
.
ذکریم اولوبدور الامان یاندی جگرلریم باجی
دوداقلاریمدان آخدی قان یاندی جگرلریم باجی
.
.
ایچندن آب کوزه نی دوشوبدی لرزه جانیمه
نه یاتموسان گولون صولور دور حاضر اول خزانیمه
آماندی تئز گئدیب گتیر حسینی باجی یانیمه
بو حالیمه یانار جهان یاندی جگرلریم باجی
.
.
آلیب ویرنده من نفس اورگ باشی الولانیر
نفس دوشور شمارییه وجودیم اودلانیر یانیر
ایاقه دور سو وئر منه یارالی قلبیم اودلانیر
دوتوب شراره جسم و جان یاندی جگرلریم باجی
.
.
بوگونده عمریمین باجی وورولدی شیشه سی داشا
بلالی باشیمین چاتیر بلالری بو گون باشا
ایاقه دور خبر یئتیر وفالی قوم و قارداشا
آخیر قانیم گئدیر توان یاندی جگرلریم باجی
.
.
گتیر بلالی عترتی کناریما آلیم گئدیم
بو قوللاریمی بوینینا من اونلارین سالیم گئدیم
حسینیمی گتیر باجی من قیدینه قالیم گئدیم
تئز ائیله حالیمی بیان یاندی جگرلریم باجی
.
.
باجی یوبانما ایت شتاب یئتیبدی جان دوداقیمه
اسیب خزان یئلی دگیب منیم بوگون بوداقیمه
نه رحم ائدوب سیزه بو قوم نه خیرداجا اوشاقیمه
اولور بو دم گولون خزان یاندی جگرلریم باجی
.
.
وئریبله زهر کین منه بو گونده مسموم اولموشام
گوز آچ نه حالیله دو گور ائویمده مغموم اولموشام
بو قوم بی حیالرین الینده مظلوم اولموشام
ائدیبله عمریمی تالان یاندی جگرلریم باجی
.
.
جهاندا بیر گلستانین گوللری بیله صولمادی
دهریده بیر نفر باجی من کیمی مظلوم اولمادی
راحت اولام ائویمده ده بو اهل کینه قویمادی
اولوبدی گوز یاشیم روان یاندی جگرلریم باجی
.
.
بیر عدّه جدیمین باجی امّتی دینی ساتدیلار
جوان چاغیندا فاطمه باشین اولار آغاتدیلار
خانه نشین اولوب آتام ائوده اونی قوجاتدیلار
ائدیبله دردیمی گران یاندی جگرلریم باجی
.
.
نه چکمیشم خدا بیلیر بو دردی بنده بیلمه دی
ائدیبلر ظلمیلر منه یوزوم بیر عمر گولمه دی
سوزوم بو اولدی خالقیم اجل یوباندی گلمه دی
یئتوب اجابته الآن یاندی جگرلریم باجی
.
.
بو «آذری» ده دردینی سیزین کیمی پنهان ائدیب
دئیوب خدایه سوزلرین یانیب اورک فغان ائدیب
سنین مصیبتین آقا یانیقلی قلبی قان ائدیب
گرکدی ذکر ائدم هر آن یاندی جگرلریم باجی
.
.
#حسنیه_غلامعلی_آذری
#حسنیه_شهادت
#ذکریم_اولوبدور_الامان_یاندی_جگرلریم_باجی
#ترکی
.
✍️ #زبدةالاشعار ✍️
.
🆔: @nohe_torki
نظر دهید