زلال معرفت کوثره سلام اولسون #اکبریه_مصیبی_تبریزی

((در مدح و منقبت شهزاده علی اکبر و شهادت آن حضرت))
.
.
مصیبی تبریزی
.
.
زلال معرفت کوثره سلام اولسون
سلالۀ ادب حیدره سلام اولسون
.
سلام او قامت سروه او قد طوبایه
بو قامتی یارادان داوره سلام اولسون
.
سلام او طلعته کی شاهکار خلقتیدی
او فاطمه بگنن گوزلره سلام اولسون
.
سلام او کربوبلا توپراقین خضاب ائدنه
همان او بکری ییخان اللره سلام اولسون
.
گورن دیردی پیمبردی ایلیوب رجعت
نه اکبره خودپیغمبره سلام اولسون
.
سلام او پارچالانان باشه تیغ منقذ دن
او قان خضاب ائلین تللره سلام اولسون
.
سلام اولا آلیشان سینیه یانان ئورگه
عطشدن اول قوریان لبلره سلام اولسون
.
قالاندا آتلار ایاقیندا قوزانوب تکبیر
گوی اهلی سسله دیلر اکبره سلام اولسون
.
سلام اوشاهه کی ناچار عباسینی آچدی
عباده قانه باتان پیکره سلام اولسون
.
جوانلارا دئدی یئردن عبانی سیز گوتورون
او قامتی بوکولن رهبره سلام اولسون
.
چاتاندا خیمیه اکبر جنازه سی هیهات
او خیمه لرده قوپان محشره سلام اولسون
.
او دوغرانان بدنی قویدولار عباده یئره
جنازه اوسته گلن مادره سلام اولسون
.
باسوبدی باغرینا قانلی ایاقلارین دیوری
سینان باشا داغیلان پیکره سلام اولسون
.
دئمم سنون آناوام یوخ کنیزیوم گوزلیم
دانیش منیله شیرین سوزلره سلام اولسون
.
بویولدا باشیوی وئردون آتان باشی اوجالا
یارالی راس ملک منظره سلام اولسون
.
آتان دیئردی بالام تاابد منیله یاتار
بو چولده کی قورولان مقبره سلام اولسون
.
اگرچه گئتدون علی لیک حسین دگور بی کس
صفالی قاسمیلن اصغره سلام اولسون
.
((مصیبین)) قلم و شعرینه اولان بانی
«شهاب» و «روفه گر» و «انوره» سلام اولسون
.
.
#اکبریه #مصیبی_تبریزی #اکبریه_مدح #اکبریه_شهادت #ترکی #زبدةالاشعار