شهادت حضرت ابوالفضل (ع)
زبانحال جناب زینب (س) خطاب به حضرت امام حسین (ع)
..
..
#سبک_ای_دل_اگر_عاشقی … ای شه لب تشنگان …
ــــــ
#سبک دیگر :
#سبک_می_گذرد_کاروان
#سبک_ای_بوغازین_اوچ_پر_اوخ
واگیر برای این سبک:
آهیله سینمی داغلارام
غصّه دن آغلارام آغلارام
آغلارام آغلارام آغلارام …
..
..
مرحوم میر محمود آقا شوری تبریزی
..
..
زینبون ئولسون حسین ، توکمه بیله گوزیاشون
نولدی سبب آغلوسان ، یوخسا ئولوب قارداشون
..
..
پوزدولا قارداش مگر ظلمیله پرگاریوی
آلدیلار الدن سنون یار و هواداریوی
یوخسا ایدوبلر شهید قولسوز علمداریوی
نولدی سبب آغلوسان یوخسا ئولوب قارداشون
..
..
ئولدی ابالفضل اگر قارداش آچوم باشیمی
جاری ایدوم سیل تک عارضه گوز یاشیمی
هاردادی دور تیز گتور خیمیه قارداشیمی
نولدی سبب آغلوسان یوخسا ئولوب قارداشون
..
..
قارداشیم ئولموش اگر من سینمی داغلیوم
اکبریمون قاره سی اوسته قرا باغلیوم
باشیمه کوللر توکوم قارداشیما آغلیوم
نولدی سبب آغلوسان یوخسا ئولوب قارداشون
..
..
دئ گوروم آیا حسین ایمدی نه گلدی سنه
گتدی بو حالون سنون زینبوی شیونه
ویرماقا باش ساقلوقی یوخسا گلوبسن منه
نولدی سبب آغلوسان یوخسا ئولوب قارداشون
..
..
من دیمم عبّاسدن قارداش حسین دویموسان
رخت وقارون ندن سویله گوروم سویموسان
سویله ابالفضلیمی هاردا گوروم قویموسان
نولدی سبب آغلوسان یوخسا ئولوب قارداشون
..
..
پوزدی منم حالیمی ایمدی بو حالون سنون
کامه گوروم یتمسون قارداش حسین دشمنون
سویله نه گلدی سنه عرشه چخوب شیونون
نولدی سبب آغلوسان یوخسا ئولوب قارداشون
..
..
ئولسه اگر قارداشیم وای منه ایوای منه
من سنه قربان اولوم گل منیله شیونه
اهل و عیالون اسیر اولدی یقین دشمنه
نولدی سبب آغلوسان یوخسا ئولوب قارداشون
..
..
سینمی یا زینبا داغلامیوم نیلیوم
چشمه اشگی یوزه باغلامیوم نیلیوم
سن بو سوزی چوخ دیمه آغلامیوم نیلیوم
نولدی سبب آغلوسان یوخسا ئولوب قارداشون
..
..
ای باجی رخصت اؤزون ویر گله گوز یاشوا
قویدولا حسرت سنی ظلمیله قارداشوا
ایله مکرّر دینه توکدیله کول باشوا
نولدی سبب آغلوسان یوخسا ئولوب قارداشون
..
..
بیر باجی بیرده ایکی قارداشا سن «شوریا»
فاطمیه آند ویر دردیوه ایتسون دوا
کرب و بلاده گیدوب ایله بو وردی ادا
زینبون ئولسون حسین توکمه بیله گوز یاشون
..
..
#عباسیه #شوری_تبریزی #عباسیه_شهادت #ترکی #زبدةالاشعار
نظر دهید