زینبون وار ایکی قربانی حسینجان یولووا #طفلان_زینب_معروف_اهری

طفلان حضرت زینب (ع)
..
..
معروف اهری
..
..
زینبون وار ایکی قربانی حسینجان یولووا
هم ئوزوم هم ایکی اوغلوم اولا قربان یولووا
..
..
گورورم عرصه ده یالقوز سنی قلبیم آلیشور
گوزیاشیم جاری اولور خون دلیلن قاریشور
بو ایکی اوغلوم عزیزیم سنه خاطر چالیشور
بودی نیت وئره لر عزتیلن جان یولووا
..
..
سنله پیمان السته دئمیشم منده بلی
حک اولوب سینه مه پیمان وفاق ازلی
من علینون قیزیام سنده که زهرا گوزلی
افتخار ایلیورم خسرو خوبان یولووا
..
..
سوزومی سالما یئره اذن وئر اوغلانلاریما
پیرو دین خدا ، گوش به فرمانلاریما
قوی ائدیم فخر حسین جلوه لی قربانلاریما
سن بویور گلسون عزیزیم ایکی طفلان یولووا
..
..
وئردی لیلا علی اکبر کیمی شهزاده سنه
جان فدا اولسون اخا نو گل باغ حسنه
صف عشقونده چاتوب نوبت لبیک منه
امر ائله رگ به رگیمدن سپرم قان یولووا
..
..
منی البته کفیل ائتموسن ئوز عترتیوه
باخورام حظّ ائدورم هیبتووه صولتوه
سنی وئررم قسن حق اوسته اولان نهضتوه
قوی اولوم منده بو گون سرزده مهمان یولووا
..
..
آیریلاندا وطنیمدن بیلوسن نیله میشم
صاحبیم جعفره افکاریمی روشن دئمیشم
بو گونی سن کیمی بیر عمردی من گوزله میشم
ایستورم لایق اولام شاه شهیدان یولووا
..
..
زینبون فدیه ویروبدور یولووا هر زادینی
عشقوین دفترینه یاز ایکی طفلون آدینی
اکبرون تک بیله لر فیض شهادت دادینی
وئر اجازه گوزلیم گر اولا امکان یولووا
..
..
خدمتونده سنه نقصان اولا خجلت چکرم
ئورگیمده بیلوسن بوته ی محنت اَکَرَم
نا امید ائتمه قاپوندان منی ای کان کرم
گلمیشم فرش ائلییم زلف پریشان یولووا
..
..
#طفلان_زینب #معروف_اهری #ترکی #زبدةالاشعار