زینب گلون که قافله سالاریم آیریلور #عباسیه_مضطر_اردبیلی

زبانحال امام حسین(ع) در وداع حضرت ابوالفضل (ع)
.
#زبدةالاشعار
.
: @nohe_torki
.
مرحوم مضطر اردبیلی
.
.
زینب گلون که قافله سالاریم آیریلور
چوخ غم ویروبدی یوز منه غمخواریم آیریلور
.
راحت یاتانماسوز داخی راحت یاتار عدو
قالدیم من آرخاسیز باجی سرداریم آیریلور
.
ئولدی صحابه گئتدی قوشون قالمیشام وحید
یوخدور کمک بو چولده مددکاریم آیریلور
.
بیکس الیم بلیمده قالوب یوخدی بیر کسیم
مقتول تیغ قوم ستمکاریم آیریلور
.
آماده اگلشون که اسیر اولماقوز یتور
میدانه عزم ایدوبدی علمداریم آیریلور
.
بی اختیار ابر کیمی گوز یاشیم آخار
ایندی که نور دیدۀ خونباریم آیریلور
.
گیتدی ائلیم بوکولدی بلیم بیر امید یوخ
عباس نامدار و وفاداریم آیریلور
.
بوندان صورا جسور اولاجاق اشقیا منه
دعوا گونونده تیغ شررباریم آیریلور
.
سویله سوسوز اولانلارا سو ممکن اولمادی
سقّای اهلبیت و پرستاریم آیریلور
.
یوخ بیر نفر اورکده کی دردی دیم اونا
آرام قلب و محرم اسراریم آیریلور
.
بلبل کیمی سکینه گرک ناله ایلسون
گلشن پوزولدی چون گل گلزاریم آیریلور
.
هرکیمسه «مضطر» آغلیا باب الحوائجه
روز جزا بویوردی عزاداریم آیریلور
.
.
#عباسیه_مضطر_اردبیلی
#عباسیه_شهادت
#زینب_گلون_که_قافله_سالاریم_آیریلور
#ترکی
.
#زبدةالاشعار
.
: @nohe_torki