خرابه شام
..
..
..
..
سید محسن رجایی تبریزی (مجنون)
..
..
..
..
ساقی صفای گوشه میخانه دن دانش
مستان عشقه باده و پیمانه دن دانش
باغ و چمنده بلبله دئ گل حدیثی نی
بزم وفاده شمعیله پروانه دن دانش
..
یاری گورنده زلفی پریشاندی غم یمه
رمزیله قیل اشاره اونا شانه دن دانش
..
بیر قوش که آشیانه سینی ترک ایدوب اونا
هرگز جفای دامی دیمه دانه دن دانش
..
چوخلار اولوبلا دهرده دیوانه عشقدن
عاقل قوتار، آز عاقل و دیوانه دن دانش
..
زاهد حدیث جنّت و آدم فسانه دور
قورتار بو ماجرانی آز افسانه دن دانش
..
دار العماره صحبتینی ایلمه مرور
گیت شام شرمه گوشۀ ویرانه دن دانش
..
یان اوچ یاشندا بیر قزون احوالینه مدام
الدن گیدن او عزّت شاهانه دن دانش
..
بزم سرور و عشرتی بالمرّه ترک قیل
گنج خرابه ده او عزا خانه دن دانش
..
غربت دیاری یولدا گوزی بیر یتیمه قز
توپراق لار اوسته مرگ غریبانه دن دانش
..
اگنینده کی لباسیله جسم نزاریله
مدفون اولان او دختر دُردانه دن دانش
..
صیّاد الینده سیر ایله بیر مرغ بی پره
باده گیدن او لانه و کاشانه دن دانش
..
عشقین نسیمین آل گنه کوی خرابه دن
گلدن گوزل او نو گل ریحانه دن دانش
..
درد فراق اکبریله شامی صبحه تک
قان یاش توکَن او نرگس مستانه دن دانش
..
مجنون و فاخرین اورگی دردیله دولوب
لطف ایت مریض عشقه شفاخانه دن دانش
..
..
..
..
نظر دهید