زبانحال جناب علی اصغر(ع) هنگام شهادت با امام حسین (ع)
.
#زبدةالاشعار
.
: @nohe_torki
.
#سبک با صدای حاج ابراهیم رهبر
پخش‌کننده صوت.
مرحوم ذهنی زاده
.
سولی پیکانلا بابا ویردی منه حرمله سو
قان اولیدی بو فراتی نیه لازم بیله سو
.
.
سودا الله یارادوب عالمه نیروی حیات
سودی عالم لره سرچشمۀ فیض برکات
بیزه امّا سبب قتل و ممات اولدی فرات
آه اگر حشرده اولسون بیزه جای گله سو
.
.
موجه دریا کیمی گلدی بو بیاباندا فرات
لب دریاده عطشدن سو دیدی یاندی بنات
منه ده ویرمدی حتی بر ایچیم قوم عدات
یوخسا قورخوردولا بیر شربه ایچم اسگیله سو
.
.
قوم بی عرضه نه آنلار بابا شخصیّتوی
پست ملت نه قانار پایۀ حیثیتوی
قدروی بُلمین اُمّت نه بُلر قیمتوی
آبرو یوزدن آلار وجهینه ویرمز هله سو
.
.
ندی بیر شربه سویون قیمت و قدری بابا جان
آلالار صحبتوون وجهینه یتمیش ایکی جان
نجه جانلار اولا قربان اولارا جان جهان
هر بیری خلقت آدمده کی آب و گله سو
.
.
تشنه سقّا عمومین گوردون او جدّیتینی
بیر قوری مشگ سویا صرف اولونان همّتینی
بولمدی لشگر او سردار الینون قیمتنی
کسدی ویرموب بیر ایچیم حیف او بیر جفت اله سو
.
.
گیجه گوردوم بابا ئوز طالعیمون اولدوزینی
بلدوم اوندان گیجه مین آخرینون گوندوزینی
ایسته دیم چوخ گورم عمّه آنا باجی یوزینی
هره آلسون منی آغوشنه سالسون دله سو
.
.
بسکه مشغولیدی گوگلوم گیجه گوندوز غمینه
بیر ائلین قتلنه ماتم زده لر ماتمینه
بیر بلوک ال سیز ایاقسیز اسراء عالمینه
توکولوردی اودی گوزدن یوزه بی فاصله سو
.
.
آنامین حالینی بیر حالده گوردوم بابا جان
غصّه دن آز قالوب ئولسون غم ایدوب باغرینی قان
چخدی یاددان عطشیم قالدیم آنامدان نگران
گوزلریم ایسته دی سپسون بو آلشمیش دله سو
.
.
نقدر گوزیاشی سپدیم او یانار سینه سینه
گوردوم اشگیمده یانار اودلار آتار سینه سینه
دیرناقیم فکر ایلدیم بیر یول آچار سینه سینه
چنگ وردوم یاراسندان سپم اول مشعله سو
.
.
آرتدی هر قدر بابا سوزشی سوز عطشین
گل کیمی سولدی گل عارضی هر غنچه وشین
من او نوعیله که گوردوم عطشین کش مکشین
بو حسابیله دگول حلّ اولونان مسئله سو
.
.
بیزی فرض ایلدی شام اهلی بابا روم و حبش
خیمه ده باجیلاریم عمّه لریم ایتدیله غش
بیزی سولدوردی بو نوعیله که بو سوز عطش
نه یوزیله ویره جاق بیرده طراوت گله سو
.
.
حیف اولا گیتدیم آنام بولمدی درد دلیمی
نیلییدی هانی دل منده بولیدی دلیمی
سن اوزون شرح ایله باری آناما نسگلیمی
گله قبریمده سرشگی سپه بو نسگله سو
.
.
روز و شب «ذهنی» بیزه ایلوری خدمت باباجان
ایستوری عزّت دارینی ویره ربّ جهان
یازوری نوحه منه گاه عیان گاه نهان
شب عاشوریده هر ایل گتورور چوخ دله سو
.
.
#اصغریه_ذهنی_زاده
#اصغریه_شهادت
#سولی_پیکانلا_بابا_ویردی_منه_حرمله_سو
#ترکی
.
#زبدةالاشعار
.
: @nohe_torki
نظر دهید