مقدمه حسینی بودن
وداع حضرت اباعبدالله الحسین علیه السلام
.
✍️ زبدة الاشعار ✍️
?: @nohe_torki
.
ابوالفضل عباسی معروفان
.
ای درد و مصیبت آشناسی
هجران و بلایه عاشقم من
باران بلا یاغا باشیمدان
یوخ جای گلایه عاشقم من
فخریم بودی ذاکر حسینم
ذکرینده نوایه عاشقم من
ای مدعیان بی مروت
بو دارالشفیه عاشقم من
سیز جنته عاشق اولدوز اما
بیر کرب و بلایه عاشقم من
.
.
گر سسلیورم حسینون آدین
هر دم دیورم حسین حسینجان
عشقیم بودی قبر با صفاسین
بیر دفعه گؤروب راحات وئرم جان
شش گوشه مزارین اوسته آغلار
لایلای دییم اصغره دویونجان
کانون ادب ایاق طرفده
جانانه گؤره یاتیبدی بی جان
بیر غملی آتا ایکی نگاری
چون لعل و عقیق و در مرجان
بیر قبرده دفن اولان مطهر
اوچ مرد خدایه عاشقم من
.
.
دللرده قالان بو معنوی عشق
مکنوندی سینمده اولیمدن
هئچ قدرت و اجنبی آچانماز
همت کمرین منیم بئلیمدن
گر کلمه عشق محو اولونسا
حاشا دوشه پاک آدی دیلیمدن
من نیلیورم منال و مالی
وار الده نئیم آلین الیمدن
تاب ایلییرم فراقه حتی
گر آیریلام آشنا ائلیمدن
پا بسته عهد لایزالم
شاه شهدایه عاشقم من
.
.
بیر کس که آدین قویوبدی عاشق
صبر ائتسه بلی تاپار سعادت
زینبده حسینه عاشقیدی
عشقون باشا گتدی تا نهایت
نه صبرینه مرز و انتها وار
نه وصفینه واردی ختم و غایت
نهر اوسته یئره علم دوشنده
الساعه گؤروندی الده رایت
قارداش باشینا خانم دولاندی
عاشور گونی او غملی ساعت
زهرا قیزی بانوی رشیدون
سعیونده صفایه عاشقم من
.
.
تا ایستدی آیریلا خییمدن
سسلندی دایان اماندی قارداش
اکبر یارالی عباده گلدی
درد و محنی عیاندی قارداش
قاسم که طویی عزایه دؤندی
اللرده حناسی قاندی قارداش
عباس علمی یاتوب سو مشکی
اوخلاندی سویی جالاندی قارداش
نهر اوسته دوشن زمان ترابه
دنیا باشیما دولاندی قارداش
سن گئتمه اقللی دردمندم
بو لحظه دوایه عاشقم من
.
.
قانون فلک بودور اگر چه
آیری سالا یاری دلبریندن
دلبرده اگر محبت اولسا
قویماز دوشه آیری دل ٬ بریندن
زینبدی محبتین وجودی
دوت کان وفانین اللریندن
من وئرمیشم آزمون عشقی
معناده باشام ابوذریندن
شاگرد شهیر مکتبم من
قارداش منی آتما گؤزلریندن
قاموس ازل سنون گؤزوندی
برهان بقایه عاشقم من
.
.
ای مرشد پیر مسلک ناب
ای جان و دل و نگار زینب
سن سن سند و ملاک هستی
سندندی حسین وقار زینب
بیدار دلم اویاخدی قلبیم
قلبین که اولوب شکار زینب
قالسان قالاجاق بنای امید
گئتسن گئده جاق قرار زینب
قان دجله سینه قدم قویورسان
باشسیز قالاجاق قطار زینب
آهسته یئری گؤزون فداسی
بو بیع و شرایه عاشقم من
.
.
اگنینده گؤرنده کهنه کوینگ
سر رشته وصلی تاپدی پایان
درک ایلدی نیت حسینی
اثار فراق اولوب نمایان
هجران اوخونا نشانه گلدی
گؤزیاشینی بیلدی درده درمان
بیردن دئدی یا اخی عیونی!!
عطشان گیدوسن منایه قربان؟
قوی باشوه زینبون دولانسین
الآن دولانار باشیندا میدان
بو لحظه نی مادریم بشارت
وئرمیشدی وفایه عاشقم من
.
.
بیر راز قویوب سینمده زهرا
بیر لحظه دایان دیوم او رازی
چون وقتدی آچماسام بو سری
قوؤلوم آناما اولار مجازی
لازمدی وصیت اولسون اجرا
شاد ایله او بانوی حجازی
تاپشوردی حسین گیینده کهنه
بیل سیر ائده جک ره درازی
ئوپ فاطمه نین یئرینده زینب
پیغمبر ئوپن گلوی نازی
زهرا عوضیندن عاشقانه
اول حنجر و نایه عاشقم من
.
.
بیگانه دگول باجوندی زینب
آل گویلونی قویما قلبی یانسین
آخر نقدر روادی باجی
آشفته سر گذر دایانسین
من باشلیورام ندای لبیک
جن و بشر و ملک اویانسین
باخسون من ئوپنده حنجریندن
وصلت دمی بیر قدر اوزانسین
گؤزیاشی سپوم سنین یولوندا
هم زمزم و هم فرات اوتانسین
حیران قویارام بحار و نهری
لب تشنه فدایه عاشقم من
.
.
دولموشدی بولوت یاغوردی گویدن
قارداش بوغازین ئوپنده زینب
سولموش دوداقین که قویدی حلقه
خنجرلری سالدی بنده زینب
الوعده وفا اولوبدی معنی
لبیک حسین دیینده زینب
دوشدی یولا پارۀ وجودی
مستحکمیدی گئدنده زینب
اما او زمان بوکولدی قدی
باشسیز بدنی گؤرنده زینب
قان آغلادی دیلده وا حسینا
تقدیر و قضایه عاشقم من
.
.
زینب که بلایه اولدی همدم
عالمده مدام بش یاشیندان
وئردی قدره رضا و سئندی
پیمانه صبری غم داشیندان
سیر و گذر زماندا بیر دم
آیریلمادی آری قارداشیندان
قارداشینی داشلار التدا تاپدی
گل سپدی گلاب گؤزیاشیندان
معناده چوخور مکاندا داشلار
قالخیب خانمون دگوب باشیندان
گویا دیله گلدی غیضیلن داش
سسلندی جفایه عاشقم من
.
.
عریان بدنه باخاندا مبهوت
وار حقی او دم نوایه گلسین
امداده چاغیردی مرتضانی
باشدا یارا اول منایه گلسین
عرض ائتدی آتا چتین زماندی
زهرایه دی کربلایه گلسین
گودالده صاحب عزایم
قارداشیم حسن عزایه گلسین
عباسون الینده قانلی پرچم
دردین چوخالیب دوایه گلسین
بس باب الحوایج اللرینده
اول قانلی لوایه عاشقم من
.
.
سرویم یخیلوبدی قوملار اوسته
داش سینه سینه چکیبدی پرده
شایسته دی گؤر عزیز زهرا
لب تشنه یاتا بو ایستی یئرده؟
قادر دگولم سایام یاراسین
اولدوز ساییلار مگر نظرده؟
یانمیش سینه سین ئوپنمورم من
ئوپسم اویانار خدا نکرده
دورسا گتورر یارالی قلبین
اوخ یاره لری دوباره درده
قان زینت ائدن چوخور مکاندا
ذبحا بقفایه عاشقم من
.
.
#حسینیه_مدح
#وداع
#ای_درد_و_مصیبت_آشناسی
#معروف_اهری
#ترکی
.
.
✍️ #زبدةالاشعار ✍️
?: @nohe_torki
نظر دهید