ای دین یولوندا تشنه باتان قانه یاحسین #کوچ_کربلا_حسن_رسالور

کوچ از کربلا
زبانحال حضرت زینب (س) خطاب به برادرش
.
.
حاج حسن رسالور
.
ای دین یولوندا تشنه باتان قانه یاحسین
ویردون نشان اوز عشقوی جانانه یاحسین
.
گوردون که ایستیری گیده دین محمدی
ایتدون فدا وجودیوی قرانه یاحسین
.
دین حقیقت اوسته شهید اولماقون سنون
درس سعادت اولدی مسلمانه یاحسین
.
ای شهد دن شیرین منه ایستکلی قارداشیم
غملر گتوردی زینبوی جانه یاحسین
.
قوی ساربان کسن الیوی بیرده سینمه
قلبیم اولوبدی گورنجه غمخانه یاحسین
.
منده آنام کیمی دوزرم هر مصیبته
صبر ایلرم بلالره مردانه یاحسین
.
بولمم نه نوعی اهل جفا ئولدوروب سنی
قانون آخوبدی سو کیمی هر یانه یاحسین
.
یاره ووروبدی اهل جفا ئولدوروب سنی
گلمز بو جسموون یاراسی سانه یاحسین
.
یتمیش ایکی شهید قالوب یرده بی کفن
بنذیر بدنلری گل خندانه یاحسین
.
اود ووردی اهل کینه سنون خیمه گاهوه
یاندی تالاندى ظلمله کاشانه یاحسین
.
خولی آپاردی باشوی قویدی کول اوستنه
رحم ایتمدی سنون کیمی مهمانه یاحسین
.
عذر ایستیرم گیچن گجه تک قویمشام سنی
قالدیم خیمده شام غریبانه یاحسین
.
یغدیم عزالی قزلاروی باشه بیر به بیر
یانموش چادردا قوردوم عزاخانه یاحسین
.
دور کاروانی سال یولا ای میر کاروان
اولدوخ سوار ناقۀ عریانه یاحسین
.
سن دوش قباقه زینبیوه ویر نشان یولی
بیزده گلاخ دالونجه بیابانه یاحسین
.
اهل جفا ووروب باشسوی نیزه باشینه
بنذیر جداده بیر مه تابانه یاحسین
.
بوجمعیله «رسالوری» ایسته قبریوه
ایت بیر نظر بوحال پریشانه یاحسین
.
.
.
#کوچ_کربلا #حسن_رسالور
#ای_دین_یولوندا_تشنه_باتان_قانه_یاحسین
#ترکی #یاحسین
.
✍️ #زبدةالاشعار ✍️
.
🆔: @nohe_torki