زبانحال حضرت علی (ع) در سر مزار حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه … #سبک_آتدان_یره_چون_دوشدی
.
مرحوم معزی اردبیلی
.
صدیقه نشان زهرا پهلوسی سنان زهرا
گیزلنجه گتوردوم یات قبرونده جوان زهرا
.
.
سوز دور دلیمه گلدی بیر کلمه جوان ئولدون
شرحینده یانار عالم قلبون دولی قان ئولدون
سن قدی کمان ئولدون سن چوخ نگران ئولدون
غم غصه یدیم زهرا منزلده دیدیم زهرا
روحیم داریخوب سنسیز قبر اوسته گیدیم زهرا
.
.
چوخ ایستدی اطفالون آغلار قالالار قالدى
گتدیم سنی دفن ایتدیم گریان بالالار قالدى
سینونده قابورقوندا ئولدون یارالار قالدى
مندن آرالی زهرا سینه یارالی زهرا
اوغلانلاری صحرای محنت مارالی زهرا
.
.
من دوقوز ایل عرضینده افسرده دایانمازدیم
اشک غم و اندوهه منزلده بویانمازدیم
زهرا ئوزون ئولسیدون شاید بیله یانمازدیم
آماج محن زهرا اللرده ئولن زهرا
جان اوسته حسین حلقین حسرتله ئوپن زهرا
.
.
آچدیم کفنین ایچره دلداریمی گیزلتدیم
تپراقی قازوب یرده غمخواریمی گیزلتدیم
قلبیمده هاچان سندن اسراریمی گیزلتدیم
ای فخر ملک زهرا ظلم ایتدی فلک زهرا
دردیم چوخالان وقته قالدیم نجه تک زهرا
.
.
ایستکلیم ئولوب یانّام افسرده و نالانم
قبر اوسته گجه چاقی چوخداندی پریشانم
سس ویر سسیمه بیرده من دیده سی گریانم
رنگی سارالان زهرا وای تز قوجالان زهرا
چوخ صحبتی دنیاده قلبینده قالان زهرا
.
.
نازین چکنی اولماز آغلار بالالار سنسیز
دلبندون حسین یوزدن گل تک سارالار سنسیز
سسلر سنی سس گلمز قلبی چوبالار سنسیز
سن فکرینه قال زهرا سن گوگلینی آل زهرا
سو ویر گینه ده ایچسون قول بوینونا سال زهرا
.
.
یوخ عیبی بوگون سالسون دیداروی تأخیره
گل حتماً او گون قلبی آماج اولاجاق تیره
آچسا الینی قاتل باش کسمگه شمشیره
ایستکلووه باخ زهرا آغلا دینن آخ زهرا
حلقیندن آخان قانین آغ زلفووه یاخ زهرا
.
.
من شام غریباندا گلّم گیجه دیداره
یانمیش پارا چادرده باش چکمگه قیزلاره
سن کوفه ده مطبخده گیت باخ سر خونباره
دردین گیجه بیل زهرا یانسون غمه دل زهرا
قانلى باشا باخ یوزدن قانلی کولی سیل زهرا
.
.
.
#فاطمیه_معزی_اردبیلی
#فاطمیه_شهادت
#صدیقه_نشان_زهرا_پهلوسی_سنان_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید