فضیلت ماه شعبان
و اعیاد شعبانیه
.
.
.
مرحوم صحاف تبریزی
.
چوخ معظّمدی بو مه شعبان
شأننه ماسوا قالوب حیران
.
نچه مولودیله ویروب زینت
مه شعبانه خالق رحمان
.
بیری میلاد سیدالشهدا
سبط طاها شهنشه عطشان
.
مقدمی عرش و فرشه زیب و شرف
یر یوزین ایلیوبدی رشک جنان
.
دسته دسته اولوب یره نازل
گویلرین اهلی تهنیت گویان
.
دولانان شاه کربلا باشنا
تاپدى بیر امتیاز و عزت و شأن
.
بیزه ده بیر برات کرب و بلا
لطف قیل ای خدای عالمیان
.
دولاناخ بیزده قبرینون باشنا
بیر بیله وقفه دیده سی گریان
.
عرض ائداخ السّلام ای شه دی
ای اولان دینه تشنه لب قربان
.
اَلسَّلام ای یاتان کول أوستنده
کوفه ده خولیه اولان مهمان
.
اوخیان نیزه لرده قانلی باشی
لب معجز بیانیله قرآن
.
گه آقاجدان کسوک باشی آسیلان
گه اولان چوب خیزرانه نشان
.
بیریده بو آیون فضیلتنه
سوزیمون اوّلینده کی عنوان
.
عید میلادیدور ابوالفضلین
اولدی زینت دهی زمین و زمان
.
که جمالیله ایلدى روشن
سطح غبرانی چون مه تابان
.
ویردیلر مرتضایه مژده او دم
بیر اوغول لطف ائدوب سنه یزدان
.
آلدی قنداقین اللری أوسته
قوللاریندان أؤپوب شه مردان
.
کربلا وقعه سین مجسّم ایدوب
سیل تک اولدی اشک چشمی روان
.
چون بلوردی او قوللاری سالاجاق
سو کنارینده فرقه ی عدوان
.
آناسی فاطمه او اللریله
سالاجاق محشره انین و فغان
.
بو آیون بیرده پنجمنده قدم
قویدی دنیایه خسرو دوران
.
حجّة الله سیّد السّجاد
خلف پاک شاه تشنه لبان
.
آدی بیمار کربلادی، اوزی
چاره سیز درده أیلین درمان
.
شامه عریان جمازه اوسته گیدن (1)
قوللاری باغلى گوزلری گریان
.
مقدمی ویردی ماسوایه صفا
یر یوزن ایتدی روضه ی رضوان
.
نه روادور بو شأن صاحبینون
ویرا زنجیر بویننا دونان
.
دوه نون قارنی آتدا باغلیالار
ایاقین کوفیان بی ایمان
.
کربلادن دیار شامه کیمی
دولانا کوه و دشتی سرگردان
.
چکه لر بزم شربه عمّه لرین
غنچه تک باغری غصّه دن آلقان
.
عاقبت ظلمله اولا مسموم
جان ویره سینه داغلی دل سوزان
.
قیترم اوّله گینه سوزیمی
یتمسون اصل مطلبه نقصان
.
دولاناخ صاحب الزمان باشنا
اودی غوث الانام کهف أمان
.
مه شعبان فضیلتین تکمیل
ایدوب اول شهریار کون و مکان
.
کنز مخفی اوزین نشان ویرسون
سرّ اَجبت قالماسون پنهان
.
قویدی بوعالم شهوده قدم
صبح صادقده نیمه شعبان
.
قطب عالم ولىّ حق شه دین
حجة ابن الحسن امام زمان
.
گون کیمی روشن ایتدی دنیانی
نور خلّاق قادر منّان
.
زهق الباطل اولدی جاءالحق
قلم صنع کبریادن عیان
.
ویردی ذات حقه شهادتنی
وَحده وحده ذکرین أیتدی بیان
.
سایدى أجدادینون آدین بیر بیر
مظهر قدرت حق سبحان
.
تا یتوردی اوز اسم اعظمنه
گوز یاشی آخدی چون دُر غَلطان
.
عرض ائدوب ای خدای فرد و صمد
کُنه ذاتینده ماسوا حیران
.
سن اوزون ویرمیسن منه وعده
نوح تک عالمه سالام طوفان
.
کفردن پاک ائدم بو یر أوزینی
حقّی دنیایه أیلیم اعلان
.
عدل و دادین نتیجه سنده أولا
گلّه گوسفنده گرگ شبان
.
جدّیمون بیرده انتقامین آلام
ویرمیم قوم بی امانه امان
.
ای خدا تئز یتور او ساعتی من
دوشه تأخیره قویما بو پیمان
.
آه یابن الحسن امام زمان
ای آدی شیعیانه ورد زبان
.
ایله شاها ظهوریوه تعجیل
انتظارون چکیلّه منتظران
.
ایندی مین اوچ یوز ایلدی یرده قالوب
جدّیون قانی ای شه دوران
.
جدّیوه سنده آغلاسان بیزده
ایدروخ ناله نی کیمی هر آن
.
دیروخ وای سوسوز ئولن آقا وای
فرشدن عرشه اوج ایدر افغان
.
نجه یاددان چخار او حالی سوسوز
ظلملیه کسدیلر یاشین دالیدان
.
وردیلار نیزیه یارالی باشین
اولدی گل جسمی زینت میدان
.
قالدی اوچ گون او پاره پاره بدن
گون قبافنده قاننه غلطان
.
خس و خاشاک کربلا اولدی
کفن شاه عالم امکان
.
سن او شاهین صحاف نوکریسن
کان رحمتدی منبع احسان
.
الى بوش سائلى یولا سالماز
بیر شهیکه اولا مَلَک دربان
.
اولسا هر حاجتون روا ایلر
دلده کی مشکلون ائدر آسان
.
.
(1) جمازه . [ ج َ زَ ] (ع ص ) مخفف جَمّازه ، بمعنی شتر تیزرو. اشتر تیزرفتار.
.
.
.
#ماه_شعبان #صحاف_تبریزی
#حسینیه_میلادیه #مهدیه_میلادیه #عباسیه_میلادیه #سجادیه_میلادیه
#چوخ_معظمدی_بو_مه_شعبان
#ترکی
.
.
نظر دهید