شهادت حضرت علی (ع)
..
..
#سبک_ویرانه_ده_نازلو_بالام
..
..
مرحوم کریمی مراغه ای
..
..
ای تیغ زهر آلودیله مسموم آتام لای لای
یرمی بش ایل خانه نشین مظلوم آتام لای لای
مظلوم آتام لای لای
..
..
ای ذوالفقارین صاحبی دوشدون نه تئز دلدن
قلبون داریخمیشدی مگر بو فانی منزلدن
گوگلونده قالدی سوزلرون یاننام بو نسکلدن
قویدون بیزی دیداریوه محروم آتام لای لای
مظلوم آتام لای لای
..
..
ای عارف واصل بحق نولدون نماز اوسته
آخدی یاراندان سیل تک قان جانماز اوسته
قویدون بلالی زینبی سوز و گداز اوسته
شمشیر آتشباریله مصدوم آتام لای لای
مظلوم آتام لای لای
..
..
سندن صورا غمدیده لر غمخوار سیز قالدی
دلدادگان معرفت دلدار سیز قالدی
چوخ بیوه زنلر بو گیجه افطار سیز قالدی
گوزلر یولون چوخ کودک معصوم آتام لای لای
مظلوم آتام لای لای
..
..
دور گور نجه او غلون حسین اشکین ایدر جاری
سولدی حسینون غصه دن گلرنگ رخساری
دور ایت فغان و ناله دن ساکت علمداری
باشین آچوب زلفین یولور کلثوم آنام لای لای
مظلوم آتام لای لای
..
..
زینب بو اول دفعه دی باش یاره سین باغلار
چکمز او قدری بیرده قارداش یاره سین باغلار
آخر حسینون باشدا کی داش یاره سین باغلار
اولدی بو محنت زینبه مرسوم آتام لای لای
مظلوم آتام لای لای
..
..
اُپدیم باشوندا زهریلی خنجر یاراسیندان
بیر گون اليم الوان اولار اکبر یاراسیندان
بیر گون ده بوسه ایلرم اصغر یاراسیندان
گورمز زمانه من کیمی مغموم آتام لای لای
مظلوم آتام لای لای
..
..
بیرگون چکه للر سینمه داغ اوستونه داغی
اوغلون ویرر آغوشیمه بیر قانلی قونداغی
منقاره آللام قوش کیمی بیر قانلی یپراغی
مهر و وفامی ایلرم معلوم آتام لای لای
مظلوم آتام لای لای
..
..
آغلار کریمی روز و شب اشکین ایدر جاری
اولسا صفالی قبریوین بیر وقفه زواری
اوردا حضورونده اوخور بو غملی اشعاری
ای قلبی غملر مسکنی مهموم آتام لای لای
مظلوم آتام لای لای
..
..
..
#حیدریه #کریمی_مراغه_ای #حیدریه_شهادت #ترکی #زبدةالاشعار
نظر دهید