حالات حضرت علی اصغر (ع)
.
.
#سبک_آچیلدی_پرچم (10 سبک)
مشابه
.
.
مرحوم ذاکر اردبیلی
.
على بو قدری، گل ائتمه ناله
یانوب عطشدن، سولان بالام یات
گئدن سوسوزدان، علاجی الدن
گوزی یوزومده، قالان بالام یات
.
.
.
آلوب الوندن عطش قرارون
بو آه و زارون بو آغلاماقون
دوشومده صود یوخ حرارتون چوخ
یانور عطشدن دلون دوداقون
نه طاقتون وار نه حالتون وار
اسور سوسوزدان الون ایاقون
على بو قدری، گل ائتمه ناله
یانوب عطشدن، سولان بالام یات
.
.
.
یارالی قلبیم یانار غموندن
اولور دگرگون بو غملی سسدن
بو قدری ائتمه فغان و ناله
آماندی روحون اوچار قفسدن
بالام آز آغلا گلوم آز آغلا
سالار بو ناله سنی نفسدن
على بو قدری، گل ائتمه ناله
یانوب عطشدن، سولان بالام یات
.
.
.
سنی گورنلر یانار اورکدن
سولار بولود تک گلور مقاله
منِ غریبه بئله دیوللر
نیه بو اصغر قالوب بو حاله
دییرم آخر دوشومده صود یوخ
یانور عطشدن ائدر بو ناله
على بو قدری، گل ائتمه ناله
یانوب عطشدن، سولان بالام یات
.
.
.
الهی نیلوم نه چاره ایلوم
سو یولّارینی کسوبله كفار
اوزومده یاندوم بالامدا یاندی
هارا گئدوم بس من دل افکار
گوزون تیکورسن بالا یوزومه
بئله بیلورسن دوشومده صود وار
على بو قدری، گل ائتمه ناله
یانوب عطشدن، سولان بالام یات
.
.
.
یانار بو چولده بلالی جانیم
نه چوخدی بیلّم باشیم بلاسی
بو رسمیدور چون چیخار عطشدن
سمایه بلبل لرون نواسی
گتور بو یاشی سیلوم گوزوندن
ئوپوم یوزوندن گوزون فداسی
على بو قدری، گل ائتمه ناله
یانوب عطشدن، سولان بالام یات
.
.
.
باخورسان آلتدان یوخاری هر دم
قالور او حسرت گوزون یوزومده
سوسوزدان آخر هلاک اولورسان
اوزونده یاندون بالا اوزومده
سوسوز اوشاقون دوامی اولماز
دیینده یانّام من هر سؤزومده
على بو قدری، گل ائتمه ناله
یانوب عطشدن، سولان بالام یات
.
.
.
نه رحمسیزدور او شامین اهلی
یزیدون او رحمسیز سپاهی
بو قدر دریا سوداندا وئرمور
سوسوز اوشاقون ندور گناهی
اوزون بو درده علاجی ایله
کسیلدی چاره م منیم الهی
على بو قدری، گل ائتمه ناله
یانوب عطشدن، سولان بالام یات
.
.
.
یاز ایله ذاکر الونده توشه
ذخیره ایله دم جزایه
قلم قویاندا صحیفه اوسته
نوای نی تک گلور نوایه
زبانحالین دیوب چوخ آغلا
او شیرخواره او بینوایه
على بو قدری، گل ائتمه ناله
یانوب عطشدن، سولان بالام یات
.
.
.
#اصغریه #ذاکر_اردبیلی #اصغریه_شهادت #ترکی #زبدةالاشعار
نظر دهید