عمر و حیاتیمه دایاق هم آتام اولموش هم آنام #مادر_شایان_ارومیه

تقدیم اولسون آتالار و آنالارا
.
.
کربلایی رحیم شایان ارومیه
.
.
عمر و حیاتیمه دایاق هم آتام اولموش هم آنام
زندگیمه ایشیق چراغ هم آتام اولموش هم آنام
.
.
حالیمه دایما منیم شامل اولوب دعالری
خیر دعالری بوتون دفع ائلییب بلالری
ایندی ده وار قولاقیده حمد و ثنا صدالری
گوزلرین ایلین بولاق هم آتام اولموش هم آنام
.
.
خیر دعالری منی سوق وئریب سعادته
وئرمیش آتام حلال چورک چاتمیشام اوج عزته
شاعر اهل بیت اولوب یتمیشم عالی رفعته
موجب شور و اشتیاق هم آتام اولموش هم آنام
.
.
قبل سواد اورگدن درس شرافت و شعور
توصیه ایلین . اوغول ائتمه قبول ظلم و زور
هر نه بلایه صبر ائدن هر نه مصیبته صبور
فکر و خیالیلن اویاق هم آتام اولموش هم آنام
.
.
هر زامان هر مکانیده مصلحتیم دئیبدیلر
گاه سینیب اورکلری گاه ده اینجییبدیلر
گاه بیر اشتباهیمه ئوز ئوزلرین ییبدیلر
حالیمی هی دوتان سراغ هم آتام اولموش هم آنام
.
.
قرخی آشیبدی سن اگر باشیمه آغ دوشوب منیم
ایندی ده وار قوجاقلاری اولموش حصار ایمنیم
درده دوادی اللری ائولری عالی مامنیم
طول حیاتیمه دایاق هم آتام اولموش هم آنام
.
.
.
#پدر_شایان_ارومیه #پدر #مادر_شایان_ارومیه #ترکی #زبدةالاشعار #آتا #آنا