زبدةالاشعار

فلک جهانی سیر ائدور آدی اونون زمان اولور #حسینیه_عبادی_طارمی

حسینون عشقی …
.
✍️ #زبدةالاشعار ✍️
.
🆔: @nohe_torki
.
عبادی طارمی
.
فلک جهانی سیر ائدور آدی اونون زمان اولور
حسینون عشقی هر زمان قوجالمیور جوان اولور
.
.
ازلدن اولدی جاودان حسینون اول حزین آدی
اگر چه باشدا حک اولار محمد امین آدی
حسینون آدی اولماسا صفاسی یوخدی دین آدی
وجود عشقی غم دوتار گلنده اربعین آدی
حسین سیز اولسا بیر اورک جهاندا بی نشان اولور
.
.
بلالی کربلا سوزی سالیب جهانه همهمه
قلوبی فتح ائدیب حسین عزیزوجان فاطمه
شراب عشقی نوش ائدن نیازی یوخدی زمزمه
فنون عشقی شرح ائدیب حسین جناب ادمه
حسینه کیم یانا اونون وجودی جاودان اولور
.
.
قولاخ وئرون بو قصییه اوزی اوزون قصیده دی
حسینون عاشقیون قدی بوقصه دن خمیده دی
نه قصه دی نه داستان بهالی بیر عقیده دی
بو ماجرانی شرح ائدن قلمله قانلی دیده دی
ائشیتسه کیم بو قصّه نی سرشکی بی امان اولار
.
.
یئر اوسته هانسی پادشه بئله قیامت ایلیوب
ال اوسته آلتی آی گولون فدای حکمت ایلیوب
دوشوبدی محنته ولی بیزی هدایت ایلیوب
ذبیح مِن قفا اولوب مسیره خدمت ایلیوب
کیمه عنایت ایلسه پدیده جهان اولور
.
.
گوروبسوز هانسی عاشقی فدا اولاندا یارینه
 اسه خزان یلی اونون گول اچمین بهارینه
تمام خلقت اغلیا بلای بی شمارینه
چکه سپاه کین حصار یمین و هم یسارسنه
گلنده کربلا سوزی اورکلر هامی قان اولور
.
.
حسینه آغلا ای گوزوم عنایت ایلیر سنه
قرا محرّمینده گی مجالی ویرمه دشمنه
کفایت ایلیر باخا علی اصغری منه
تعجب ائتمه بیر ائلی شفاعت ائتسه یک تنه
حسینون آدی عرشیده شه وفا بیان اولور
.
.
#حسینیه_عبادی_طارمی
#حسینیه_مدح #ورود_محرم
#فلک_جهانی_سیر_ائدور_آدی_اونون_زمان_اولور
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایدون ناله یوم عزادی سمالرده ماتم به پادی #صادقیه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی