نایِ نِی تک سینه مین غملی نواسی آزالیب

آرزوی کربلا
.
#زبدةالاشعار
.
: @nohe_torki
.
سعید حضرتی (هاتف)
.
نایِ نِی تک سینه مین غملی نواسی آزالیب
اورگیم تنگیدی آهیله،هواسی آزالیب
.
دولانیر دل قوشی آواره بلا دشتینده
ائله بیر باشدا گینه درد و بلاسی آزالیب
.
بیلیسن دردیمی،واضح دی سنه دل دردی
بو مریضین گینه دردینده دواسی آزالیب
.
گویلوم ایستیر گوزومون چشمه سی داشسین،یانیرام
اولمیا روحومون اندوه و عزاسی آزالیب
.
تربتون خاک شفادی نه قَدر درد اولسا
تک نه من،چوخلارینین ایندی شفاسی آزالیب
.
پیرو عشق حبیبم،باشیمین قانی خَضاب
زولفومون آغلاری واضح دی،حناسی آزالیب
.
مین نئچه ایلدی کی گلزاریوه صرصر اَسیلیب
بو نه گلشن دی نه عطری،نه صفاسی آزالیب
.
سن او شَه سن کی سخادن قاپیوین،چشم فلک
گورمییب گورمیه جاقدور کی گداسی آزالیب
.
ای طبیبیم نظر ائت،نسخه می تئز باغلا گئدیم
من مریضم،قانیمین کربوبلاسی آزالیب
.
.
#آرزوی_کربلا
#نای_نی_تک_سینه_مین_غملی_نواسی_آزالیب
#حضرتی_هاتف
#ترکی
.
#زبدةالاشعار
.
: @nohe_torki