زبانحال رباب در شب عاشورا
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
نای جان نالیه گلسه اونی جانان ائشیدر
کعبه ی عشقه گئدن طعن مغیلان ائشیدر
.
.
زلف پر پیچ بهاره که ورار شانه نسیم
برگ گللردن آلار بوسه ی مستانه نسیم
یایار عطر چمنی دشت و بیایانه نسیم
بزم مستی خبرین قُمریِ خوشخوان ائشیدر
.
.
عشقیدور جوهره ی روح و صفای هستی
عشقیدور هر دل هشیاره وئرن سرمستی
عشقیدن اوجه یتر ساکن کوی پستی
جهلیدن عاری اولوب مژده ی عرفان ائشیدر
.
.
عاشقون که اوجالار ناله سی هر صبح و مسا
درک ائدر فوراً اونی پیک سحرخیز صبا
دیر ای سوخته دل سالک بی ریب و ریا
تار جان نغمه سینی طالب ایمان ائشیدر
.
.
تشنه ی چشمه ی معنایه نه پیدا نه نهان
سیر عرفان ائدن عشّاقه نه نام و نه نشان
دل اگر ایستدیگین تاپسا نه جنّت نه جنان
فیض جنّات اودی جان سؤزینی جانان ائشیدر
.
.
دست تقدیر ایلیر هرکسی بیر عشقه دچار
هر دل و دلبریلن اورتادا بیر رابطه وار
قدرت عشقیله باتماز گئجه گوندوز آتالار
بالا گهواره ده آغلار ننه دن جان ائشیدر
.
.
نجه ئوز صودامرین سینیه آلمشدی رباب
هی دیردی ملمه ائتمه منی قلبی کباب
هر اشارون منه روشندی ولی یوخدی جواب
صبرون اولسون گوزلیم ناله وی سبحان ائشیدر
.
.
ایش بئله دوشدی فلک قان توکنی ائتدی جری
مگر انصافیدی صود سیز قویالار صودامری
صبر ائله قوی بو قرانلوق گنجم اولسون سپری
آه مظلومی گورک فرقه ی عدوان ائشیدر؟
.
.
بئله روشندی بو شامون سحری بی تردید
سوره سوره وریلار نیزیه قرآن مجید
چکمه لر قانلی نمازه دایانار قوم پلید
خود فروشان زمان خطبه ی بطلان ائشیدر
.
.
صف عشقه دوزولر سالک و ره پیمالر
می خون شریانیله داشار مینالر
بوکولر قدّی قرا معجر اولار لیلالر
شهر غم محنتینی شاهد کنعان ائشیدر
.
.
سیل غم حمله ائدوب خانه ی اجلالیمیزه
غصّه تقدیر کتابینده چخوب فالیمیزه
بو بیاباندا سو ایچمگ قالوب اقبالیمزه
شیون قلبی گورک شحنه ی دوران ائشیدر
.
.
غملی پروانه کیمی گرم شرارم گوروسن
سن نوا خسته سی سن، منده نزارم گوروسن
لاعلاجم کسلوبدور رہ چارم گوروسن
اوچ گئجه گوندی آنوندان هامی افغان ائشیدر
.
.
هر نفس چالدوقیجا جانیمه رعشه سالوسان
یوزه خوناب ائلیوب صبریمی الدن آلوسان
دام محنتده بئله قورخلی شهپر چالوسان
گوئیا اوچی سسین قورخلی طرلان ائشیدر
.
.
گل رخساروه شبنم کیمی اشکون دوزولر
آخنار قاره گوزون رشته ی عمریم ئوزولر
دمبدم ماه جبینونده سویوق تر دوزولر
بو قرا گونّی آنون نغمه ی هجران ائشیدر
.
.
سنسن عزّت باغیمون نازلی غزال و غزلی
چشم دنیا گوره هیهات سنون تک گوزلی
بیر بیره وورما او کپریکلری آهو گوز على
خسته قلبیم بو اشاراتیله قان قان ائشیدر
.
.
ای گلوم هم نفسیم قلبیمی چوخ قان ائلمه
بو پریشان گئجه می چوخدا پریشان ائلمه
قوزی قربانیم آز آغلا بئله افغان ائلمه
نالووی اوچی الینده بالا پیکان ائشیدر
.
.
ای سحر اولدوزوم افسوس باتورسان بو گئجه
آغلاماقدان نه دویورسان نه یاتورسان بو گئجه
نه قدر دوشلریمه دیرناق آتورسان بو گئجه
آز چالخلا سسوی حضرت منّان ائشیدر
.
.
آز دُؤلومسن بالاجان رشته سینی ئوزمه بئله
اشک چشم سیهون آغ یایاقا دوزمه بئله
بختیمون اولدوزی تئزدور آخینوب سوزمه بئله
دیرم وای بالا فریادیمی سلطان ائشیدر
.
.
تشنه لیکدن قوریوب پارچالانوب لعل لبون
آلتی آیدور بالا یولّاردا گئچر روز و شبون
ائشیدورسن سو سسین آرتق اولور تاب و تبون
سو سسین چونکه اوزاقدان قوزی جبران ائشیدر
.
.
گوزلورم غم سحرین گوگده من اولدوز سانیام
گزلنور گوزلروون قاره سی تیز تیز یانیام
یانمیوم ئوز شرر آهیمه نیلوم آنیام
دل دیر وای بالا یاندیم اونی وجدان ائشیدر
.
.
اود دوشوب قوش کیمی هم لانه مه هم شهپریمه
باتمشام منده گلوم سن کیمی اشک تریمه
آغلارام گاه گئچن گاه گلن گونلریمه
گوش دنیا دوتولوب صوتیمی هاردان ائشیدر
.
.
گه بشیکده سنه گه سینه ده لایلای دیرم
گاه ظالم فلکه غملریمی سای دیرم
نفسون تنگه دوشنده اوجادان وای دیرم
دیسکینر ناله می عمّونده هراسان ائشیدر
.
.
«سیفی» هر شاعره بیر عاطفه انشاسیدی شعر
عالم فکرتینون حاصل زیباسیدی شعر
مغزینون بارقه سی چشمه ی احساسیدی شعر
جوشقون اولدوقجا سسین گوش سخندان ائشیدر
.
.
#اصغریه_سیفی_اردبیلی
#اصغریه_شهادت #شب_عاشورا
#نای_جان_نالیه_گلسه_اونی_جانان_ائشیدر
#ترکی
.
✍️ #زبدةالاشعار ✍️
.
🆔: @nohe_torki
نظر دهید