نه وحشی کؤنلوم اول آهو نگهدن غیره رام اولماز #غزل_آقابابا_ظهوری

#غزل #آقابابا_ظهوری
.
#زبدةالاشعار
.
: @nohe_torki
.
آقا بابا بن عبداالله ظهوری
(1265-1310 ه.ق)
.
.
نه وحشی کؤنلوم اول آهو نگهدن غیره رام اولماز(1)
نه اونون هیجرینین نقصان اولان آیی تمام اولماز
.
مرادیم جان فدا قیلماقدی یئتجک وصل جانانا
اگر حاصل اولا، عشق عالمینده بؤیله کام اولماز
.
صفای وصله یئتدین، ائیله ییب چوخ سعیلر، ای دل
بیان ائت بیر به بیر هجران غمین، بؤیله مقام اولماز
.
وصال یارا یئتدین، بیر ایاق توت، باده قیل حاضر
دور ای ساقی باشینچون بؤیله دم هرگز مدام اولماز
.
بو بزم وصل جنّت، ساقیسی غلمان طوبا قد
منی منع ائتمه زاهد می بهشت ایچره حرام اولماز
.
گؤزون منع ائتمگه ملک روخوندان لشکر خطی
ائدیب موژگانلارین صف صف کی دعوا بی نظام اولماز
.
گدالیق رسمینی توت کیم، در جانانا یئتمکچون
ظهوری، ننگ قیلما، عاشق ایچون ننگ و نام اولماز
.
(1)در استقبال از غزل #فضولی سروده است
طریق فقر توتسام، طبع تابع، نفس رام اولماز
غنا قیلسام طلب، اسباب جمعیت تمام اولماز
.
.
#غزل_ترکی
#ترکی #مهدیه
#نه_وحشی_کؤنلوم_اول_آهو_نگهدن_غیره_رام_اولماز
#طریق_فقر_توتسام_طبع_تابع_نفس_رام_اولماز
.
#زبدةالاشعار
.
: @nohe_torki