هر کیمسه آشنالیق ایده آشنائیلن #حسینیه_واقف_سرابی

مصیبت نامه حضرت خامس آل عبا (ع)
.
.
مرحوم واقف سرابی
.
.
هر کیمسه آشنالیق ایده آشنائیلن
البته امتحان اولاجاقدور بلائیلن
.
قالوا بلاده جلوه لنوب هر قدر بلا
کرب و بلایه گلدی شه کربلائیلن
.
بیر نوع شدّت ائتدی حسینه او دشتده
جور و جفا و محنت بی انتهائیلن
.
دوشدی بلایه یتمیش ایکی یار و یاوری
قرخدان بیر اسگیک عورت بی دست و پائیلن
.
هم قاسمی وداعده ئوز باغرینا باسوب
غش ایلیوب یخلدیلا نو کدخدائیلن
.
عبّاس گیتدی سو گتوره گوردی گلمه دی
بولدى علم دوشوب یره صاحب لوائیلن
.
شبه پیمبرین باشین آلدی دیز اوستونه
آغلاردی سیّدالشّهدا هایهائیلن
.
سالدی عبانی خامس آل عبا یره
یغدی عبایه نعشینی گتدی عبائیلن
.
باخدی بلایه ترک ایلیوب ئوز وجودینی
ئوز خواهشین مبدّل ایدوبدور هوائیلن
.
میدانه اصغری گتوروب سو سراغینه
بیر اوخ او طفلی ساکت ایدوبدور هوائیلن
.
گوردی اوشاقدی آغلیه جاق باسدی باغرینا
ساکت ایدردی آغلاماقین لایلائیلن
.
واقف حسینه آغلا دی یاز هر مصیبتین
اجرون اولار جزاده رسول خدائیلن
.
.
#حسینیه #واقف_سرابی #حسینیه_شهادت #ترکی