چکوبدی خامه سوزی راه شام حکایتینه #راه_شام_نادربابایی

حالات راه شام
.
#زبدةالاشعار
.
: @nohe_torki
.
حاج نادر بابایی
.
چکوبدی خامه سوزی راه شام حکایتینه
گزور او چولده باخا غملرون اشارتینه
.
ایتن گلی گزوری خاندانِ عصمتدن
ز بس علاقه سی وار اهل بیته صحبتینه
.
چکوبدی قوم دَغا اهلبیتی شامه طرف
او چولده باخمادولار داورون رضایتینه
.
یازولّا کوفه ایلن شام اَرادی قِرخ منزل
تصوّر ایله ئوزون دشمنون عداوتینه
.
او یوللاری نجه گلور کاروان گیدردی گجه
نجه دوزوب بالالار یولدا یول اذیّیتینه
.
خصوصاً اولسا اگر قز اوشاقی گور نیلَر
وجودی پرپر اولار یوللارون او زحمتینه
.
رقیّه بیر گُلیدی گُللر ایچره بی همتا
سولوبدی رنگی ولی شمر دون شقاوتینه
.
رَوادی صبح و مسا شیعه لر بو نِسگلده
ئورکدن آغلاسالار اُول قزون مصیبتینه
.
گجه زمانی او قز ناقه دن یخیلدی یره
گیدوبدی هوشیدن اُول دم سقوط ضربتینه
.
قطار زنگی چالور کاروان ایدور حرکت
او مهربان بی بیلر بی خبر بو محنتینه
.
گلوبدی هوشه همان نازدانه چون دل شب
گجه قراسی اونون آرتوروبدی وحشتینه
.
بیز آز قاچوب او چولی نا امید اولوب دایانوب
قلم فغانه گلر یازدوقیجا حالتینه
.
او خوردا اللرینی قالخزوب هوایه طرف
دیدی قَسم ویرورم یا رب احمد حرمتینه
.
بابام امیر عرب فاطمه آنام حقینه
آتام حسینه، بی بیم زینبون جلالتینه
.
فراهم ایله سبب ای وسیله ساز الله
منی یتور بو گجه عَمّه نون زیارتینه
.
نه گوردی اوندا گلور بیر قَدی کمانه خانم
یاخونلاشوبدی اونا تا یتوب عیادتینه
.
یتیمه نون او خانم زلفینه چکوبدور اَلین
سخوب قوجاقه اونی باخدی گُل طراوتینه
.
رقیّه تاپدی او اثناده بیر شریک محن
ئورک قراره گلوب گوردوگی محبّتینه
.
دیله گلوب گِنه ده باشلادی شیرین سوزونی
قولاق آسوبدی خانم اُول قِزون شکایتینه
.
.
.
دیدی که بُرجِ حیانون ایشیقلی اولدوزیام
حسین فاطمه نون دربدر قالان قزیام
.
.
.
چکوبدی چرخ فلک ایندی بو مکانه منی
عطرلی بیر گلودودم سولدوروب زمانه منی
.
واریمدی قافله ده مهربان بی بیم،امّا
بو چوله قویدی نَدن بیلورم شبانه منی
.
نهال عمریم اولور ریشه کن قرا یِلدن
سالوبدی گور نَه حالا یولدا تازیانه منی
.
جفای شمر دَنی یادیمه سالار نَنَه می
بویولدا ثانیِ ثانی گتوردی منی
.
گرک بو محنتیمی عمّه مَه گلایه ایدم
یتورسه دست قضا غملی گلستانه منی
.
بابام قاباقدا گیدر حالیمه اگر اولا
یقین ایدر بو گجه نیزه ده بهانه منی
.
دوروبدی شاید الانه بو چولده قافله میز
بی بیمده اوخشیوری ایندی یانه یانه منی
.
یوزون سنون نیَه بَس من کیمی اولوب نیلی
ئوزون گَل آگه ایله قامت کمانه منی
.
نَدندی اوخشیوری گوزلرون بابام گوزونه
سالوبدی حیرته بو گوردوگوم نشانه منی
.
منی قوجاقه آلوب جان کیمی قوجاقلیوسان
بی بیم کیمی بیلوسن سنده نازدانه منی
.
شیرین شیرین دیوسَن آی بالا نَنون قربان
تَعجّبه گتورور مهر بی کرانه منی
.
نَدندی بیر اللووی قویموسان قابورقووا سن
سالار بو حالتون هِی آه بی امانه منی
.
بو چولده نابلدم هم ایاقلاریم یارادی
یتور مُیسّر اگر اولسا کاروانه منی
.
.
.
دیدی داریخما قزیم آغلاما فغان ایلمه
گوزوندن اشگ تری درّ تک روان ایلمه
.
.
چکوبدی دست قضا غملی روزگاره سنی
زمانه اوچیلاری اوخشادوب شکاره سنی
.
شیرین دیلون واریمیش ای منیم یتیمه بالام
اَزلده خالق ئوزی خلق ایدوب هَزاره سنی
.
یوزونده واردی سنون سیلی دن نشانه قزیم
سالوبدی شمر دَنی حیف اولا فشاره سنی
.
اَلیمده قمچیلرون وار هَله نشانه لری
گُل ایتدی دعوت ایدوم بزم آه و زاره سنی
.
غریبه سانما منی ای مینم عزیز نَوَم
بو چولده تک قالاسان قویمارام دوباره سنی
.
همان قابورقالاری ظُلمیلن سِنان نَنووَم
الانه فاطمه دور ایلین نظاره سنی
.
گجه کیچوب یاریدان آهولر بو چولده گَزر
مَلر مَلر دانیشار دیلده آشکاره سنی
.
سنونده بَنذیوری گوزلرون بالام گوزونه
حسینه اوخشادورام ای گوزل ستاره سنی
.
وروبدی شانه سنون زلفوه غُبار محن
اَجل اَلی چکه جک غصّه دن کناره سنی
.
خرابه یر سنیچون موطن اَبد یازیلوب
قویار او یرده بی بون خورداجا مزاره سنی
.
بو چول یوروبدی سنی یات بیر آز قوجاقیمده
اَیاقلارون یارادی اینجیدوبدی یاره سنی
.
دالونجا عازم اولوب زَجر دون تَلَسمه بالا
کجاویه یتورر ای سولان عُذاره سنی
.
همیشه آغلا گلان ( نادرا) بو ماتمده
که سیل رحمت حَق دیده گان پُرنمده
.
.
#راه_شام_نادربابایی
#چکوبدی_خامه_سوزی_راه_شام_حکایتینه
#ترکی
.
#زبدةالاشعار
.
: @nohe_torki