عباس باشی اوسته حسین قدی خم آغلار #عباسیه_طلوعی_اردبیلی

شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم طلوعی اردبیلی
.
عباس باشی اوسته حسین قدی خم آغلار
گوردی که اوزون قولاری اولموش قلم آغلار
.
.
گوردی او رسا قدّینی قولسوز یره دوشمش
بیر یان یخلوبدور علمی قانه بلشمش
از بسکه اوخ اوستن دگوب اوخ جسمی پر آچمش
قانیله دولوب مشکی یخلمش علم آغلار
.
.
اگلشدی باشی اوسته اودم بادل غمناک
گوردی دم خنجردن اولوب سینه سی صد چاک
سیلدی گوزینون قانینی گوزدن ایلدی پاک
سقا باشی اوسته شه گردون خدم آغلار
.
.
آچدی گوزین عباس توکوب گل یوزه قانیاش
قارداشینه ایستردی ایده درد دلین فاش
عرض ایتدی آپارما منی سن خیمیه قارداش
قولسوز منی گورسه بیله اهل حرم آغلار
.
.
چون عالم ذراتیده آلمشدیلا تعلیم
ایتسونله ره عشقیده جان نقدینی تقدیم
یومدی گوز علمدار ایلدی جانینی تسلیم
آفاقی دوتوب محنت و درد و الم آغلار
.
.
یوز قویدی حسین خیمه لره با دل پر سوز
نه یاور و انصار نه لشکر اوزی یالقوز
بیر یاندان ئولوب قارداشی بیر یاندان اوغولسوز
گور ایندی نه نوعی او شه محترم آغلار
.
.
دورموشدی سکینه او زمان مضطرب و زار
یول گوزلریدی سو گتوره بلکه علمدار
گوردی گلو یالقوز باباسی با دل افکار
گه بیر قدم اما گلو گه بیر قدم آغلار
.
.
محشرده یتن داده بو مولادی «طلوعی»
یاز نوحه بو بیر نعمت عظمادی «طلوعی»
بولمم بو مصیبت نه غم افزادی «طلوعی»
افغانه گلوب دفتر الونده قلم آغلار
.
.
#عباسیه_طلوعی_اردبیلی
#عباسیه_شهادت
#عباس_باشی_اوسته_حسین_قدی_خم_آغلار
#ترکی
.
✍️ #زبدةالاشعار ✍️
.
🆔: @nohe_torki