#بحر_طویل حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_نطقه_گل_ای_شاه_شهیدان_حسین
.
مرحوم ناصر اردبیلی
.
اولسون اطبادن اگر ناامید
دردیوه آل چاره ابوالفضلیدن
معجز جانبخش مسیحا گلور
دمبدم اظهار ابوالفضلیدن
.
.
باب الحوائجدور او کان وفا
مه لقا مظهر شیر خدا
بحر سخا معدن جود و عطا
برج شرف پور شه اولیا
مظهر حق آئینۀ حق نما
شیر خدا تک آدی مشکل گشا
دلربا، جان فزا
اولسون اونون آدینه جانلار فدا
بذل اولونور اذن حقیله شفا
جملۀ بیماره ابوالفضلدن
.
.
.
حق اونا وئرمیش ایله شأن و مقام
احتشام، احترام
شأنینه تعظیم ایلیور خاص و عام
صبح و شام، تا قیام
سبط رسوله اوزون ائتدی غلام
اولدی علمدار امام همام
بیر آدی سقای شه تشنه کام
منشی و مستوفی شاه انام
عقل لر حیرتده قاللار مدام
کشف اولان اسراره ابوالفضلیدن
.
.
قویدی فراته قدم اول نامدار
مه عذار، ضیغم دشمن شکار
یاده دوشوبدور او سوسوز شیرخوار
ایچمدی اصلا سو او کان وقار
تشنه جگر نهردن اولدی کنار
آب فراتی ایلدی شرمسار
نام وفانی او صداقت شعار
لوح جهاندا ایلدی پایدار
درس وفا اولدی ز بس آشکار
جمله وفاداره ابوالفضلیدن
.
.
مشکینی دولدوردی او کان کرم
بحر سخا ساحله قویدی قدم
گوردی کسوب یوللاری فوج ستم
تیغنی عریان ائدوب حیدر شیم
وئردی اوزین لشگر شیر دژم
اولدی عیان کفاره برق عدم
وحشته دوشدی او سپاه ظلم
لشگر کفری ایلدی زیر و بم
ظاهر اولوب شورش محشر او دم
فوج ستمکاره ابوالفضلدن
.
.
.
.
آه او زمان نوفل ائدوبدور کمین
شیری قویوب پنجه سیز اول خصم دین
شیر خدانی ایلدی دل غمین
قویدی شه تشنه لبی بی معین
اوخلادی سو مشکینی هم قوم کین
اولدی عمود الده عیان بیر لعین
قولسیز علمداره آچوب ظلم الین
دولدی فغانیله سما و زمین
یتدی همین وقته صدای حزین
سرور ابراره ابوالفضلیدن
.
.
#عباسیه_ناصر_اردبیلی
#عباسیه_مدح
#اولسون_اطبادن_اگر_نا_امید
#ترکی
.
✍️ #زبدةالاشعار ✍️
.
🆔: @nohe_torki
نظر دهید