کوچ ایلوری کاروان سنده قیزیم دور گیداق #کوچ_شام_خوندل_تبریزی

کوچ از شام
.
.
#سبک_می_گذرد_کاروان
#سبک_ای_دل_اگر_عاشقی
.
.
مرحوم خوندل تبریزی
.
.
کوچ ایلوری کاروان سنده قیزیم دور گیداق
نازلی رقیه اویان سنده قیزیم دور گیداق
.
.
گلدیم ایدم گوزیاشین قبریوه سو تک سبیل
آیریلیروق چون جرس سسلنوری الرّحیل
من نجه سنسیز گیدوم ای گل آل خلیل
گلشنیم اولموش خزان سنده قیزیم دور گیداق
.
.
یاتما بو ویرانه ده ای مه چرخ وفا
نازلی قیزیم سن هارا کنج خرابه هارا
دور بیزیله همره اول قبریوه عمّن فدا
منتظروندور آتان سنده قیزیم دور گیداق
.
.
نادم اولوب ایتدوقی امره یزید لعین
آل رسولی خلاص ایلدی زار و حزین
کرب و بلایه گیدور عمّه حرم قیز گلین
واردی نه شمر و سنان سنده قیزیم دور گیداق
.
.
سالدى فشارہ سنی شامده دشمن قیزیم
حالیوه چوخ یانموشام آغلاموشام من قیزیم
گوشۀ ویرانه نی قیلما نشیمن قیزیم
قالمادی منده توان سنده قیزیم دور گیداق
.
.
ناقه دگل مرکبون شمر دگل پاسبان
قوخما هراس ایلمه ال گوتوروب شامیان
سیّد سجّادیله یولّانوری کاروان
یوخ داخی قمچی وران سنده قیزیم دور گیداق
.
.
خوش دگل اولسون سنه کنج خرابه مکان
قالمور او قدری قیزیم قافله اولسون روان
کرب و بلایه گیدور شوریله بو کاروان
ایتمه منى باغریقان سنده قیزیم دور گیداق
.
.
ظلمیله سولدوردی گر صرصر محنت سنی
سالدى گوزومدن غمون سیر گل و گلشنی
وار یری ئولدورسه گر دلده کی خجلت منی
ای منی آغلار قویان سنده قیزیم دور گیداق
.
.
اشگیله بیر عمر سن دامنون ایسلاتموسان
آغلاموسان هم اؤزون هم منی آغلاتموسان
گوشۀ ویرانه ده چوخ گیجه آج یاتموسان
چوخ اولوب اشکون روان سنده قیزیم دور گیداق
.
.
خوندل اگر خدمتون اولموری کامل ادا
ساحت زینب وسیع عجزیله قیل التجا
ذکر ایله بو مصرعی دردیوه اولسون دوا
کوچ ایلوری کاروان سنده قیزیم دور گیداق
.
.
#کوچ_شام #خوندل_تبریزی #ترکی #زبدةالاشعار