زبدةالاشعار

گلون بیزده باهم دیئک یاعلی #حیدریه_مژده_اردبیلی

در مدح و عزای حضرت علی (ع)

✍️ زبدة الاشعار ✍️

?: @nohe_torki

مژده اردبیلی

گلون بیزده باهم دیئک یاعلی
صداقتله محکم دیئک یاعلی
ـ
علی نین یولون طی ائدک هرزمان
شهامتله هردم دیئک یاعلی
ـ
باخون لوح محفوظه حتماًیازوب
خداوندعالم دیئک یاعلی
ـ
علینین جهاندا مقدس آدین
بیلوب اسم اعظم دیئک یاعلی
ـ
نصیب اولسا فیض عبادت بیزه
ائدک یول فراهم دیئک یاعلی
ـ
علینین مقامین اول درک ائدیب
صورا همچو خاتم دیئک یاعلی
ـ
گلوب شأنینه آیۀ هل اتی
اولوب فخرآدم دیئک یاعلی
ـ
علی حیّ مطلقدن آیریلمیوب
اولوب حقّ محرم دیئک یاعلی
ـ
علی نینده انفاس عیساسی وار
چو عیسی ابن مریم دیئک یاعلی
ـ
امیرعرب مقصدین درک ائدیب
چومقداد و میثم دیئک یاعلی
ـ
گوزلدیر بجای خداحافظی
قدیم و منظم دیئک یاعلی
ـ
قوپاردیب بیراللی درخیبری
بومیر معظم دئیک یاعلی
ـ
سزادیر که مین دورد یوزایلدن صورا
هرایشدن مقدم دیئک یاعلی
ـ
روادیر محرّم کیمی هریره
ویراق قاره پرچم دیئک یاعلی
ـ
بساط غم افزاده فریاد ائدک
نه چون ابن ملجم دیئک یاعلی
ـ
او بیریول دیوب مسجد کوفه ده
ولی بیز دمادم دیئک یاعلی
ـ
شهید عدالتدی سلطان عشق
اولوب غرق ماتم دیئک یاعلی
ـ
علی نین غمینده عزا ساخلییاق
اولاق دیده پرنم دیئک یاعلی
ـ
علینین اولوب قاتلی اهرمن
بو امر مسلّم دیئک یاعلی
ـ
اولاق همنوای حسین و حسن
ویراق باشه باهم دیئک یاعلی
ـ
سنون تک منیم تک علی عاشقی
اولان یرده محکم دیئک یاعلی
ـ
نماز اوسته رکن عباداتیده
تاپوب فیض اعظم دیئک یاعلی
ـ
کبیر و صغیر و سلیم و زعیم
عوام و مُأمم دیئک یاعلی
ـ
نه ریب و ریا اوسته بل عشق ایلن
اولوب هی مصمّم دیئک یاعلی
ـ
آلاق (مژدۀ) وصلتی یاریدن
بالفاظ اعلم دیئک یاعلی
ـ

متن پیشنهادی:  ای اولان زادگهی خانه ی جانانه علی #حیدریه_بیدقداری

#حیدریه_مدح #حیدریه
#حیدریه_شهادت
#گلون_بیزده_باهم_دیئک_یا_علی
#مژده_اردبیلی
#ترکی

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی