گل اوجالوب گوگلره ، شعلۀ آهیم باجی #عباسیه_شانی_تبریزی

زبانحال امام حسین (ع) در مصیبت حضرت ابوالفضل (ع)
.
#زبدةالاشعار
.
: @nohe_torki
.
.
#سبک_ای_دل_اگر_عاشقی
#سبک_می_گذرد_کاروان ( با اضافه کرده واگیر )
.
مرحوم شانی تبریزی
.
گل اوجالوب گوگلره ، شعلۀ آهیم باجی
قارداشیم ئولدی داخی ، یوخدی پناهیم باجی
.
.
ای آنامون نایبی محنت و غم یولداشیم
دونمسون آیا نجه قانه بوگون گوز یاشیم
الده لوای ظفر تا واریدی قارداشیم
بیله بولوردوم قالور جمله سپاهیم باجی
.
.
مونس دل کیم اولور ای باجی یالقوزلارا
قارداش ئولومی داخی نیلر اوغولسوزلارا
دورما گیندیر قرا باجیلارا قیزلارا
آغلاسون هشتاد اوچ جامه سیاهیم باجی
.
.
همّتین عالملره ای باجی فاش ایلدی
ویردی اوخا سینه سین چاک و خراش ایلدی
بسکه سو تحصیلینه سعی و تلاش ایلدی
قانه باتان مشگی تک واردی گواهیم باجی
.
.
اکبر ئولنده اگر دوشدی ایشقدان گوزوم
قلبیمی شاد ایلدی قارداشیمله اوزوم
ایمدی ولی گور نجه شامه دونوب گوندوزوم
چرخ وفاده خسوف ائیلدی ماهیم باجی
.
.
ایستدی آخر نفس قویمیا دلده سوزون
بیرده سوروندی منه بلکه یتیرسون اوزین
آه چکوب آغلادی یرلره سورتدی یوزون
دوتدی شرر آهنه یاندی گیاهیم باجی
.
.
عاشق اولان آختارور مقصد دلدارینی
تا که رضا ایلسون عشقده اوز یارینی
ایستر الینده علم شهلر علمدارینی
قولسوز علمداریمی ایستدی شاهیم باجی
.
.
غصه دوتوب سینمی یوخ منه بیر هم نفس
قارداش اوغولسوزلارا کیملر اولور دادرس
روحیم ابوالفضلیله گئتدی قالوب بوش قفس
حالیمه شاهددی بو حال تباهیم باجی
.
.
رسمدور اکرام ایدر هر سخی مهماننه
من نجه مأیوس ایدیم باخمیوم افغاننه
شأنی ویرور هی قسم قارداشیمون جاننه
آغلوری عرض ایلوری چوخدی گناهیم باجی
.
.
#عباسیه_شانی_تبریزی
#عباسیه_شهادت
#گل_اوجالوب_گوگلره_شعلۀ_آهیم_باجی
#ترکی
.
#زبدةالاشعار
.
: @nohe_torki