گل اوغول حسن یوبانما چخور آهیم آسمانه #الهادی_شایان_ارومیه

شهادت امام هادی علیه السلام
.
.
کربلایی رحیم شایان ارومیه
.
.
گل اوغول حسن یوبانما چخور آهیم آسمانه
منی معتز ایتدی مهمان یانار اودلی شوکرانه
.
.
جگریم یانور چخور اود گوزومون نظاره سیندن
عوض اولدی رنگ رویوم یانیرام شراره سیندن
گل اوغول که رهسپارم اجلین اشاره سیندن
آتاوی شهید ائدیبلر گیدیری بوگون جنانه
.
.
من او هادی غمینم کسیلیبدی راه چاره م
نئچه مدت انزواده غم فرقته دچاره م
نه قدر جفالر اولدی وار اورکده چوخلی یاره م
متوکلین الیندن چخوب آهیم آسمانه
.
.
آتاوا ستم چوخ اولدی من اسیر رنج و قهرم
اوزاق اولدوم ائللریمدن که غریبۀ بو شهرم
یتیشیب نهایته ظلم دولانوبدی رنگ چهره م
منه ژهر کین ویریبلر گتوروبدولر فغانه
.
.
سنی ده ائده للر اوغلوم ستمیله تحت تعقیب
اولاجاقدی مرقدیمیز ظُلَما الیله تخریب
یته جاقدی انفجاره گوره جاقدی چوخلی آسیب
اثر ایلیر بو نسگل هامی قلب شیعیانه
.
.
گل اوغول بو واپسین دم گوزومی الونله باغلا
بو غریب حال و روزه حسنیم دویونجا آغلا
منی یاده سال حسینه سن ئولونجه سینه داغلا
اونا آغلاماق صفادی هامی غملی دیدگانه
.
.
بو غریب شهرلرده بیزه اوغلوم همدم اولماز
ئولورم جوان چاغیمدا بیله غملی ماتم اولماز
ولی جدیمیز حسینین غمینه تای هیچ غم اولماز
دوتوب اود غمینده دللر چکر حشره جک زبانه
.
.
#الهادی_شایان_ارومیه #الهادی_شهادت #ترکی #زبدةالاشعار