وداع حضرت سید الشهدا علیه السلام
.
.
.
مرحوم حاج علی اکبر عبدی قراملکی
.
.
گل حسینون مست اولوبدورجام وحدتدن باجی
آیرولورشوریده سر خَرگاه عصمتدن باجی
.
.
طالب عشقم باشیمدا وار بو شور اشتیاق
سرگران بوعاشقی مست ایلیوب جام دحاق
دعوتیم وار بوگجه من خولیه اولّام قوناق
ایتمرم غفلت بو دعوتدن ضیافتدن باجی
.
.
عالَم قالو بلی ده گلدی سس من یشتری
گلسین اولسا کیم بوگون کالای عشقه مشتری
نصف شب وار شرطی مقتلده کسیلسین اللری
تیتره سین عرش خدا بیله جنایتدن باجی
.
.
آیریلق هنگامی دورآلقانه قاتما گوزیاشین
آغلاما صبرایله بو احواله ایتمه خَم قاشین
کهنه بیر پیراهنیله گل یولا سال قارداشین
گرچه ال چکمز قُشون بو کهنه کسوتدن باجی
.
.
سن اوزون آگاه سن بو نهضت خونینیمه
من فدایم سو یانیندا تشنه لب اوز دینیمه
ویر تسلّی عترت اطهارِ دل غمگینیمه
پاک اولونسون گوزلری بو اشک حسرتدن باجی
.
.
آغلاما صبر ایله زینب پوزما بو احوالیمی
قلبیمین قانیله ممزوج ایتمه اشک آلیمی
آغلیوب آغلاتما بو باشسیز قالان اطفالیمی
آل حیدرایتمسون ناله مصیبتدن باجی
.
.
ایمدیدن ایتمه نوا مندن صورا چوخ آغلاسان
سینه وی زینب شرار مِحنَتیله داغلاسان
بلاغلا باشیم یاره سین سن یاخشی یاره باغلاسان
آخماسون رخساریمه قان بو جراحتدن باجی
.
.
مرگ تقدیر خدادی لایقه نالایقه
خرمن عمرعموم انسانه وار بو صائقه
آیۀ مُنزَلدی حتمی کُلّ نفسین ذائقه
ماسوا یکساندی تقدیر مشیّتدن باجی
.
.
فیض اعظمدی شهادت هر کسه اولماز نصیب
بو شهادتده باجی وار چوخ فرازیله نشیب
قویما چوخ اینجیتسون اطفالی بو قوم نا نجیب
حفظ ایله دست تعدّیدن عداوتدن باجی
.
.
بو شهادت فیضینه بیداد الینده یتمسم
باش ویروب اوز جدّیمین قانینی احیا ایتمسم
جان بکف تشنه بویولدا قتلگاهه گیتمسم
کیم نتیجه اخذ ایدر بو سرخ نهضتدن باجی
.
.
صبر ایله بو محنت جانسوزه گلمه شیونه
من سنی اللهَ تاپشوردوم بو اطفالی سنه
قولارون باغلانسا زینب عجز ایتمه دشمنه
چوخ بریدورآل هاشم نسلی ذلّتدن باجی
.
.
باشیوه یغ عترت آل عبانی آغلاما
پاک ایله هردیده دن اشک روانی آغلاما
ای آنام صدیقۀ کبری نشانی آغلاما
فیض اعظم واردی اسلامه شهادتدن باجی
.
.
بو شهادت ارثدی پیغمبرین اولادینه
طالع فرخنده دی اولادینه اجدادینه
شکر اولا حقه چیخوب قرعه حسینون آدینه
بهره مند ایلوب خدا بیله فضیلتدن باجی
.
.
بو شهادت مکتب اسلامی ایلر پایدار
اوج ایدرعرشه هرایل ماه محرم بو شعار
هر کذائی مکتبی ایلر بو وقفه استتار
من کیمی اولموش غنی کیم بو جلالتدن باجی
.
.
دهۀ ماه مُحرّمده هر ایل (عبدالذّلیل)
گوزده گوز یاشی قرا اگنینده دلده الدّخیل
قبریوه مشتاقیدی دعوت ایله گلسون بو ایل
بهره مند ایله قبول اولموش زیارتدن باجی
.
.
.
#وداع #عبدی_قراملکی
#حسینیه #حسینیه_وداع
#گل_حسینون_مست_اولوبدورجام_وحدتدن_باجی
#ترکی
#زبدةالاشعار
نظر دهید