گوزومدن ای گوزومون نوری سن نهان اولالی

خروج از مدینه
زبانحال حضرت صغری (س) با حضرت علی اکبر (ع)
.
زبدة الاشعار
.
: @nohe_torki
.
مرحوم آصف
.
گوزومدن ای گوزومون نوری سن نهان اولالی
گئجه گونوز منه بیردور نچه زمان اولالی
.
خمیده قاشلاریوون فکری قدّیمی بوکدی
خدنگ غمزۀ خونریزیوه نشان اولالی
.
اساس صبری یخوب ائتدون عالمی ویران
گوگل لرین قوشونا زلفون آشیان اولالی
.
آلوبدی سبزۀ خطّون بنفشه دن آرام
لبون هواسیئیله لاله باغریقان اولالی
.
سنه نه ایلمیشم بُلمورم علی اکبر
که باخمیسان منه بیر زار و ناتوان اولالی
.
یقیندور ایندیه دین گورمیوب بو عشقیله
بیزیم کیمی باجی قارداش جهان جهان اولالی
.
بو گوز یاشیم کیمی دنیانی سالمیشام گوزدن
سنون کیمی منه بیر یار مهربان اولالی
.
نه فایده که امیدیم صباحی شام اولدی
هنوز نعمت وصلونله کامران اولالی
.
ائشیتمیشم آپارولّار علی عراقه سنی
دوتوب وجودیمی رعشه بو سوز عیان اولالی
.
ایاقه من دورا بُلمم اوتور یره سن گور
باجون نه حاله قالوب بیله نیمجان اولالی
.
ئورک دوگونمه سی قویمور سنیله صحبت ائدم
گوروب جمالیوی بیر لحظه شادمان اولالی
.
غزل سرالیقی « #آصف » نه یاخشی ترک ائتدون
گتوردون عالمی شور اوسته نوحه خوان اولالی
.
.
#خروج_مدینه
#حضرت_صغری
#گوزومدن_ای_گوزومون_نوری_سن_نهان_اولالی
#آصف_تبریزی
#ترکی
.
#زبدةالاشعار
.
: @nohe_torki