#فرشتگان_در_قتلگاه
#جبرائیل_در_قتلگاه
.
زبدة الاشعار
?: @nohe_torki
.
ثابت اردبیلی
.
گون دوتولدی باتدی آی، گلدی شب یلدا یئره
زلف زینبدن آخوب قان ظهر عاشورا یئره
.
پُر تلاطم ایلدی گویا سنوب عرش خدا
حنجره خنجر قویوب، قاتل ائدوب خنجر نوا
بوسه گاه حضرت محمودی اوپدی برملا
معجرین باشدان سروب صدّیقۀ کبری یئره
.
قانیلن بیر دستماز آلدی حسین رکن نماز
خنجر آلتیندا ائدوب، اللهیلن راز و نیاز
عاشق قرآنیدیر، شاهنشه ملک حجاز
جبرئیل امر خداد‌ن گتدی بیر تغرا یئره
.
سایه سالدی شهپریند‌ن شاه دین اعضاسینه
قان یارالاردان آخار اولدی آخوب صحراسینه
گوردی جبریل غرق اولوبدور لخته قان دریاسینه
باش آچوب گلسون گر‌ک، پیغمبر طاها یئره
.
عرض ائدوب الله سنه گوندردی مند‌ن بیر سلام
وئر اجازه دوغرانان قربانلارون ائتسون قیام
سجد‌دن قالخیزدی باشین باخدی بالایه امام
گوردی سایه جبرئیل، سالمیش عجب تنها یئره
.
نطقه گلدی شهپرون چک سایه سالما یار‌یه
شمس عالم توکسون آتش خونِ با فوّار‌یه
قانیلن اوخلار چکوب، اعضا دل صد پار‌یه
یاره لرد‌ن قان آخوب، یازدی بو گون انشا یئره
.
وئرمیشم قربان جوانانی سوسوز اسلامه من
ایلر‌م خدمت کسیلمیش، باشیلن احکامه من
قتلگهد‌ن گئتمر‌م ای جبرئیل اخیامه من
خیمه ده زلفون یولوب معجر آتوب افتا یئره
.
حضرت پیغمبرین قانونینی احیا ائد‌م
آیۀ کهفی جدا اوسته، گئدوب معنا ائد‌م
قانیمیلن من علی حقّین یازوب انشا ائد‌م
دوشموشم آتدان سلامت جبرئیل آیا یئره
.
اوچ یاشیندا بیر قیزیم وار زلفلرین آلمیش اله
داغ اکبر واردی دیلده، اوخ ووروبدور حرمله
قوللاری باغلی مینیر اهل و عیالیم محمله
آخمیوب قانیم یارالاردان بو گون بیجا یئره
.
«ثابتا» ال آت حسینین دامنیند‌ن دوت اوزون
آلتی گوشه قبریده قالدی سنون آغلار گوزون
هر مکاندا دایر ائتدی ماتمی نسگیل سوزون
زینبون آهی گتوردی محشر کبری یئره
.
#قتلگاه
#حسینیه_شهادت
#گون_دوتولدی_باتدی_آی_گلدی_شب_یلدا_یئره
#ثابت_اردبیلی
#ترکی
.
#زبدةالاشعار
?: @nohe_torki
: @nohe_torki . حاج اصغر فرشچی ( عدلی تبریزی) . صاحب قرآن ئولوب معناده قرآن آغلوری قدسیان ماتم دوتوبدی فاطمه قان آغلوری . . پیشوای مسلمین انسانِ انسان ساز ئولوب قافبیشتر
نظر دهید