یابن الحسن جدون گیدوب زهرایه مهمان #رضویه_حزین_خسروشاهی

شام غریبان حضرت ثامن الائمه (ع)
..
..
#سبک_ای_درد_بی_درمانلارا …
..
..
مرحوم حاج حیدر خسروشاهی (حزین)
..
..
یابن الحسن جدّون گیدوب زهرایه مهمان
گل دوت خراساندا اونا شام غریبان
..
..
ای نیّر تابان افلاک امامت
غربتده جدّون تاپشوروب جان دلده حسرت
بو باره دن اولسون سنون باشون سلامت
اهل ولانون باغرینی بو غم ایدوب قان
..
..
ای شاه خوبان سن پناه ماسواسن
هر ناامید و بیکسه باب رجاسن
بو ماتم عظماده سن صاحب عزاسن
اولسون سنه اهل عزانون جانی قربان
..
..
مأمون دون دا سیر ایله جور و جفایه
ظلمیله زهر کین ویروب شاه ولایه
یرده یوزی یولدا گوزی گلدی نوایه
حسرت یوزیله عرض ایدوب اى حیّ سبحان
..
..
اوغلوم جوادی تیز یتور جان اوستیم من
گلسه جواد اوغلوم گیدر غملر گویولدن
آخر نفسده لطف ائله ای حیّ ذوالمن
تبدیل اولا نور وصاله نار هجران
..
..
مولا ائدوبلر جدّیوی غربتده مسموم
سندن پناه ایستر اولا هر کیمسه مظلوم
سن غصّه لی بیز غصّه لی ای شاه معصوم
سن گل عزا دوت بیز ایداخ فریاد و افغان
..
..
جان تاپشوراندا یوللارا حسرت باخاردی
رخساره اشگ حسرتی گوزدن آخاردی
قلب شریفین یاندیروب حسرت یاخاردی
گوزلردی اوغلون ال اورکده دیده گریان
..
..
ای حجّت حق ماسوایه فیض رحمت
آگاهسن هر قلبده وار هر نه حاجت
جدّوندن ایسته بیزلره ائتسون عنایت
هر مشکلی بیر باخماقیندا ایلر آسان
..
..
آخر نفسده آچدی گوز اول سرور دین
گوردی جوان اوغلی توکور رخساره اشکین
یعقوب گوردی یوسفین دل تاپدی تسکین
اما گوز آچدی جان ویرنده شاه عطشان
..
..
گوردی باشی اوسته دوروب شمر ستمگر
فرمایش ائتدی اول شفیع روز محشر
شاهددی بو کرداریوه جدّیم پیمبر
گل اولما بیله غرقۀ دریای عصیان
..
..
ظالم منِ مظلوم سبط مصطفایم
زهرا عزیزی لنگر ارض و سمایم
فیض وجودیمدن پناه ماسوایم
مندندی امکان وجود کون و امکان
..
..
سلطان دینون اوز جوار رحمتینده
شام غریبان وقتی روز رحلتینده
یازدی «حزین» بو نوحه نی اوز خدمتینده
«وجدى» له «محسن عسکری» اولدی نواخوان
..
..
..
#رضویه #حزین_خسروشاهی #رضویه_شهادت #ترکی #زبدةالاشعار