یاتدی گل آپار باجی شیرخواره اصغریم #اصغریه_یحیوی_اردبیلی

شهادت حضرت علی اصغر (ع)
.
#زبدةالاشعار
.
: @nohe_torki
.
#سبک_مسلمون_شهادتی … #سبک_اود_یاپوشدی_سینمه …
.
مرحوم یحیوی اردبیلی
.
.
یاتدی گل آپار باجی شیرخواره اصغریم
سیزدن ایستمز داخی گاهواره اصغریم
.
.
یاتمیوب گئجه لری آغلیوب گونوزلری
قوش کیمی قناد چالوب اینجدوبدی سیزلری
ایندی دائمی گئدوب خواب نازه گوزلری
لایلای ایستمز یاتوب ماه پاره اصغریم
.
.
ناز ائدوب بالام منیم ایچمگه فراتدن
گوز یوموب زمانه ی تلخ گین حیاتدن
بیر خدنگیله خلاص اولدی مشکلاتدن
وئردی خاتمه بو گون روزگاره اصغریم
.
.
سیندیروب جفا داشی قلب شیشه سین باجی
غنچه می سوسوز قویوب کسدی ریشه سین باجی
نوبهاریمه خزان ووردی تیشه سین باجی
اوخشیوبدی لاله ی داغداره اصغریم
.
.
آب نهر کربلا دگمدی دوداقینه
دوشدی تشنه لب بالام کوثر اشتیاقینه
گئتدی عدنیده آنام فاطمه قوجاقینه
مونس اولدی مادر دلفکاره اصغریم
.
.
حرمله أئدوب نشان تیره تشنه حنجرین
قویدى اوخ دگن یئره دیسگیننده اللرین
گلدی بیر تبسّمه آچدی غنچه لبلرین
باخدى عرش اعظم کردگاره اصغریم
.
.
بینوا ربابه دئ تیکمه سون گوزون یولا
خیمه لرده اوغلینا بیرده منتظر قالا
گاهواریه باخوب غصه قلبینه دولا
گئتدی شوق و ذوقیله کوی یاره اصغریم
.
.
گورمیون بوغازدا کی قانلی یاره سین اونون
یاده سالمیون باجی سو اشاره سین اونون
قویما خیمه ده قالا گاهواره سین اونون
یاتماق احتیاجی یوخ تا دوباره اصغریم
.
.
بی مروت حرمله گوردی بلبلیم یاتوب
نیت شکاریله تیر زهردار آتوب
داغ اکبره باجی داغ اصغری قاتوب
منله اکبریم گئدر بیر مزاره اصغریم
.
.
شهپری سینان قوشا لازمه دگیل قفس
یعنی گاهواریه أصغر ایلمز هوس
اوچدی گئتدى جنته بلبلیم کسیلدی سس
اگلشوب بهشتده شاخساره أصغریم
.
.
آتدیم عرشه قانینی تا توکولمه سون یئره
ظلم أهل کوفه نی اهل آسمان گوره
ساخلاسونلار اول قانی هم ذخیره محشره
عاصی امّته اولا باب چاره اصغریم
.
.
.
#اصغریه_یحیوی_اردبیلی
#اصغریه_شهادت
#یاتدی_گل_آپار_باجی_شیر_خواره_اصغریم
#ترکی
.
#زبدةالاشعار
.
: @nohe_torki
.