شهادت حضرت امیرالمومنین (ع)
.
#زبدةالاشعار
.
: @nohe_torki
.
مرحوم صافی تبریزی
.
یاعلى ماتم دوتوب پیغمبر خاتم سنه
ساخلیوبلار عالم و آدم هامی ماتم سنه
.
.
یا علی سن باعث ایجاد مهر و ماهیدون
سرّ غیب عالم لاریبدن آگاهیدون
باء بسم اللهده مکتوم سرّ اللّهیدون
بی سبب اطلاق اولونموب لفظ اسم اعظم سنه
.
.
عالم کونه سن اولدون باعث فیض و نجات
رزق مقسومه سبب سنسن یتوب بو کاینات
سن ویروبسن آدم و نوحه مهالکدن نجات
نوحه ایلر نوح آغلار حضرت آدم سنه
.
.
صفحۀ ایجاده گر چه نچّه مین عالم گلوب
قصّۀ واضحدی که هر عالمده بیر آدم گلوب
سندن اشرف کونه بیر پیغمبر خاتم گلوب
عالم و آدم طفیلوندور هامی باهم سنه
.
.
یا علی سن جانشین احمد مختار سن
مرشد راه هدایت سیّد ابرارسن
صاحب تیغ دو پیکر حیدر کرّار سن
سویلموب قارداش عبث پیغمبر خاتم سنه
.
.
قاتله أوز مقتلون أی سرّ حق ویردون نشان
اولمیوب بیر کیمسیه بو نکتۀ غیبی عیان
بولمرم هانی دلیله یاعلی ایلوم بیان
نه جسارتدی بو ایتدی زادۀ ملجم سنه
.
.
بأخمادی سن قورموسان جانانیله بیر بزم راز
ووردی بیر ضربت باشوندان حقدن ایتموب احتراز
سجده گه قانیله دولدی تاپدی زینب جانماز
فخردور هر قدر عالم وار بو خوش عالم سنه
.
.
یاعلى سندن آلوب عشّاق یکسر مشقنی
درس عشقین هر سیاق خطّنی هر مشقنی
یاخشى ویردون اهل ذوقون باشله سرمشقنی
جان فدا استادیوه ایلوب عجب مُلهم سنه
.
.
ماتمونده یا علی دوتموش جهانی شور و شین
ناله و فریاد ایدر آغلار تمامی عالمین
جان وئروب بولمم نجه سندن صورا اوغلون حسین
ذکر اولاندا مایۀ غمدور اوزی بو غم سنه
.
.
ایله بیر خدمت ایدوب کیم ذکری عالمگیر اولوب
نازنین جسمی اونون صدپارۀ شمشیر اولوب
اوغلی قارداشی أوزی آماج تیخ و تیر اولوب
ایمدیده بو ماجرادن غم یتر هر دم سنه
.
.
اوندا کیم صد پاره دوشموشدی بلا میداننه
غیر یا سبّوح گلمزدی لب عطشاننه
آخر عمرونده گنه مشغولیدی جاناننه
تابعیت ایلمیشدی قلبدن محکم سنه
.
.
گر چه دوتموردی دلی غافل دگلدی شکردن
ایله بیر سوز عطش چخماز ئولنجه فکردن
یتدی شمر بی حیا قویدی او شاهی ذکردن
قویمادی حرمت او حالنده اونا محرم سنه
.
.
«صافیا» بیله سوز اولماز بیله مبکی شرح حال
غیبدن بیشک مؤیدسن دگل جای مقال
اهل دلدن ایلدیم شیرن بیان سرّین سؤال
سویلدی یتمش یقین روح القدسدن دم سنه
.
.
#حیدریه_صافی_تبریزی
#حیدریه_شهادت
#یاعلى_ماتم_دوتوب_پیغمبر_خاتم_سنه
#ترکی
.
#زبدةالاشعار
.
: @nohe_torki
نظر دهید