آنا آنا عراقدن چوخ چکوب بلا گلدیم #ورود_مدینه_تائب_تبریزی

بازگشت به مدینه
زبانحال حضرت زینب(س)
.
.
.
#سبک_خداحافظ_ای_آنام_باجی … 3 سبک
.
مرحوم تائب تبریزی
.
آنا آنا عراقدن چوخ چکوب بلا گلدیم
ئولوبدی یدی قارداشیم باشدا بیر قرا گلدیم
حسینوین قانلو کوینگین گتدیم ای آنا گلدیم
داده مین نواگلدیم
.
.
گیدنده گیتمیشدیم آنا قامت رسائیله
باشیمدا تازه مجریم زلف مشگسائیله
باشیم نجه گور آغاروب چکدیقیم بلائیله
اولوبدی معجریم قرا قامتیم دوتا گلدیم
.
.
ز بسکه بو سفرده چوخ اینجیدوب منی دشمن
گلوبدی درده خاطریم چیخمیشام اوزومدن من
آنا اویان باخ گینه گور زینبون تانورسان سن
الیم ائلیمدن اوزولوب درده آشنا گلدیم
.
.
حسین منیم روحیمیدی ای یارالی دل مجروح
اوگون که گوردوم من اونون حلقینی آنا مذبوح
قراریمی آلدی منی ایتدی قالب بی روح
قویوب بلا چولونده اوز روحیمی آنا گلدیم
.
.
داخی نجه زمانه ده شاد اولوب نجه گوللم
نه چکمیشم خدا بولور بیرده من اوزوم بوللم
حسین حسین وردیم اولار دلده بو سوزوم ئوللم
حسین فراقینده اولوب درده مبتلا گلدیم
.
.
ندور اونا محبّتیم شرحینه بیان ویرّم
وفا و مهر و عشقیمی عالمه نشان ویرّم
بو پاره پاره کوینگی سینم اوسته جان ویرّم
بو پیرهندن عطرینی من آلا آلا گلدیم
.
.
حسینوین حالین آنا گر سئوال قیلسان سن
او قدر واردی نسگلی یاد اولاندا یانّام من
او حالینی ایدر بیان پاره پاره پیراهن
گلنده پیکرینده من چوخ گوروب یارا گلدیم
.
.
یارالاری سو کیمی قان ویرماقین اوزوم گوردوم
بدنده کی اوخلاری سان ویرماقین اوزوم گوردوم
سوون یانیندا تشنه جان ویرماقین اوزوم گوردوم
آلیشدی یاندی خاطریم درده برملا گلدیم
.
.
فرات سیل تک ووروب موج هر یانا آخدی
حسینوی سوز عطش لیک یاندیروب یاخدی
وئرنده جان حسرتیله نهر علقمه باخدی
اودور گوزوم یاشی یوزه من آخا آخا گلدیم
.
.
ئولونجه وار یری یانا آغلیه بو دلخسته
یارالی جان ویرردی اول قید عشقه وابسته
او حالده چخدی شقی شمر سینه سی اوسته
حسینی ذبح ایتدی سوسوز من آنا جانا گلدیم
.
.
قرار و صبریمی منیم بیر اسفلی غم آلدى
همین بو غم شراره سی سینه مه شرر سالدى
حسینی مین جنازه سی یرده بی کفن قالدى
اونا کفن ایدنمدیم من یانا یانا گلدیم
.
.
بلا چولونده كاش او گون ای آنا اولیدون سن
گوروب او حالی سینه دن حسرته دولیدون سن
یارالی نعشی اوسته بیر زلفوى یولیدون سن
یولانمادیم زلفیمی من دوتمادیم عزا گلدیم
.
.
سالوب زمانه تائبی چوخ فشاره یازهرا
دونوب گوزینده گوندوزی لیل تاره یازهرا
ایدنموری گوگلده کی درده چاره یازهرا
دیر بو بابه ایتماقا دردیمه دوا گلدیم
.
.
.
#ورود_مدینه_تائب_تبریزی
#آنا_آنا_عراقدن_چوخ_چکوب_بلا_گلدیم
#ترکی
.
.